Պեսկով. ՀԱՊԿ-ում օպերատիվ կառավարման պակաս չկա22 փետրվարի 2019 - 17:09 AMT PanARMENIAN.Net - Հավաքական անվտանգության պայմանագրի կազմակերպությունում (ՀԱՊԿ) օպերատիվ կառավարման պակաս չկա, չնայած գլխավոր քարտուղարի նշանակման հարցում առկա տարաձայնություններին: Այդ մասին մամուլի ասուլիսում հայտարարել է ՌԴ նախագահ Դմիտրի Պեսկովը: «Ոչ Կրեմլում, ոչ ՀԱՊԿ անդամների թվում ոչ մի ֆրուստրացիա չկա, ՀԱՊԿ-ում ղեկավարման վակուում ևս չկա»,-ասել է Պեսկովը, հայտնում է ՌԲԿ-ն: Կրեմլի ներկայացուցիչը հիշեցրել է, որ գործում է գլխավոր քարտուղարի պաշտոնակատարը: «Կան որոշ տարաձայնություններ ՀԱՊԿ անդամ երկրների միջև, որոնք այժմ կարգավորվում են, այդ գործընթացը շարունակվում է»,-հավելել է Պեսկովը՝ նշելով, որ օպերատիվ կառավարման դեֆիցիտ ևս չկա: Ռուսաստանյան «Կոմերսանտ» պարբերականը, անդրադառնալով Հավաքական անվտանգության պայմանագրի կազմակերպության (ՀԱՊԿ) նոր գլխավոր քարտուղարի նշանակման հարցին, նշել է, որ ՀՀ վարչապետ Նիկոլ Փաշինյանի անզիջում դիրքորոշման պատճառով կառույցը կարող է ևս մեկ տարի առանց գլխավոր քարտուղարի մնալ:ՌԴ արտաքին գործերի նախարարության աղբյուրի փոխանցմամբ, ՀԱՊԿ-ում արդեն «համակերպվել են այն մտքի հետ, որ Հայաստանի դիրքորոշման պատճառով կազմակերպությունում դեռևս մեկ տարի գլխավոր քարտուղար չի լինելու»: Նա միևնույն ժամանակ նաև նշել է, որ կառույցը շարունակում է իր բնականոն աշխատանքը: Բելառուսի Անվտանգության խորհրդի ղեկավար Ստանիսլավ Զասի նշանակումը ձգձգվում է: Ավելի վաղ Զասի թեկնածությունը հաստատել են ՀԱՊԿ անդամ բոլոր երկրները՝ բացի Հայաստանից: Բելառուսի ԱԳՆ մամուլի խոսնակ Անատոլի Գլազը հույս էր հայտնել, որ Փաշինյանը մոտ ժամանակներս կընդունի Զասին: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |