Բանկերն ավելի քան 9.5 մլրդ դրամի վարկային պարտավորություն են ներել 25 փետրվարի 2019 - 15:48 AMT PanARMENIAN.Net - ՀՀ բանկերը ֆիզիական անձանց մասով ավելի քան 9.5 մլրդ դրամի չափով վարկային տոկոսների, տույժ-տուգանքների պարտավորություն են ներել: Այդ մասին ասվում է Բանկերի միության հայտարարության մեջ: Նշվում է, որ դեռևս 2018-ի մայիս-հունիս ամիսներից մեկնարկել էր ՀՀ առևտրային բանկերի կողմից վարկային տոկոսների, տույժ-տուգանքների ներման՝ հանրային կարևորություն ունեցող գործընթացը: Կառավարության՝ 2018-ի հունիսի 11-ի համապատասխան որոշմամբ սկիզբ առան մի շարք օրենսդրական բարեփոխումներ, որոնց արդյունքում, ի թիվս գործարար միջավայրի բարելավման և հարկային վարչարարության արդյունավետության բարձրացման մի շարք նախաձեռնությունների, նախատեսվեց նաև հնարավորություն ստեղծել, որպեսզի առևտրային բանկերը կարողանան առանց լրացուցիչ հարկային պարտավորություններ կրելու ֆիզիկական անձանց ներել մինչև 2018-ի մայիսի 31-ը անհուսալի ճանաչված վարկերի գծով հաշվարկված տույժերն ու տուգանքները: Նշվում է նաև, որ այս նախաձեռնությանը հաջորդեց ՀՀ բանկերի կողմից քաղաքացիներին տվյալ ուղղությամբ անհրաժեշտ աջակցություն ցուցաբերելու համապատախան ընթացակարգային աշխատանքների կազմակերպումը, որի արդյունքում գործընթացի մեկնարկային փուլից մինչ այս պահը մոտ19000 ֆիզիական անձանց մասով ներվել են ավելի քան 9.5 մլրդ դրամի չափով պարտավորություններ: «Վերլուծելով ներկայացված վիճակագրությունը՝ հարկ է նկատել, որ ՀՀ Կառավարության ընձեռած հնարավորության շրջանակներում բանկերի կողմից իրականացված այս նախաձեռնությունը մեր քաղաքացիների համար ունեցել է իր նշանակալի և բարերար ազդեցությունը: Այս ամենով հանդերձ պետք է հավելել նաև, որ տույժ-տուգանքների ներման ասպարեզում բանկերը սովորաբար ցուցաբերում են անհատական մոտեցումներ, իսկ զանգվածային բնույթ կրող այս գործընթացի իրականացումն ուներ բացառիկ իրավիճակային հիմնավորում և օրենսդրական տվյալ դրույթի կիրառումը սահմանվեց որոշակի ժամանակահատվածի համար. ուստի այսուհետ ազգաբնակչությունը պետք է առաջնորդվի վարկային ծառայություններից բարեխղճորեն օգտվելու և բացառապես նախատեսված ժամկետներում վճարումներ կատարելու սկզբունքերով»,- ասվում է բանկերի միության հանրային կապերի ծառայության տարածած հաղորդագրության մեջ։   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |
