 Միրզոյան. Ռուս պատգամավորների մասնակցությունը Բաքվի հակահայ միջոցառմանը տարակուսելի է 27 փետրվարի 2019 - 13:20 AMT PanARMENIAN.Net - ՀՀ ԱԺ նախագահ Արարատ Միրզոյանը Ռուսաստանի Դաշնային ժողովի Դաշնության Խորհրդում ունեցած ելույթում անդրադարձել է Սումգայիթյան ջարդերի տարելիցին, Արցախյան հիմնահարցին և վերջերս Բաքվում տեղի ունեցած հակահայկական ակցիային ռուսաստացի որոշ պատգամավորների մասնակցությանը: Միրզոյանը ելույթից մի հատված է հրապարակել իր ֆեյսբուքյան էջում: «Այս օրերին համայն հայությունը հարգում է Սումգայիթյան ջարդերի զոհերին, որոնք տեղի են ունեցել ավելի քան 30 տարի առաջ և սկիզբ դրել հայերի ջարդերին ու լայնամասշտաբ էթնիկ զտումների քաղաքականությանն Ադրբեջանում: Դա հանգեցրեց Բաքվի, Սումգայիթի, Կիրովաբադի և այլ քաղաքաների հայ բնակչությանզանգվածային արտագաղթին: Հարգելի գործընկերներ, հատուկ ուզում եմ ընդգծել, որ Հայաստանը հավատարիմ է ղարաբաղյան հակամարտության բացառապես խաղաղ կարգավորմանը, տարածաշրջանում ստեղծված իրողությունները հաշվի առնելով, և միջազգային իրավունքի հիմնարար սկզբունքների, մասնավորապես, ժողովրդների ինքնորոշման իրավունքի, հիման վրա, ԵԱՀԿ Մինսկի խմբի համանախագահության շրջանակում, որը միակ մարմինն է, որն ունի կարգավորման լեգիտիմ մանդատ միջազգային հանրությունից: Այդ համատեքստում կցանկանայի ընդգծել, որ մենք բարձր ենք գնահատում ՌԴ դերը որպես ԵԱՀԿ ՄԽ համանախագահի»,-ասել է նա: Անդրադառնալով վերջին օրերին ռուսաստանցի որոշ գործընկերների մասնակցությանը Բաքվում տեղի ունեցած հակահայկական ակցիային՝ Արարատ Միրզոյանն ասել է. «Ստիպված եմ ցավով արձանագրել, որ չնայած մեր երկրների միջև հարաբերությունների բարձր մակարդակին ու դաշնակցային գործակցությանը, ինչպես նաև ղարաբաղյան հակամարտության կարգավորմանն ուղղված ռուսական կողմի հետևողական ջանքերին, մեր որոշ ռուս գործընկերներ տառացիորեն երեկ դարձել են ցայտուն հակահայկական ակցիայի մասնակիցները Բաքվում, որն ուղղված էր տարածաշրջանում խաղաղության և կայունության դեմ: Ավելին, արդարացի տարակուսանք է առաջացնում հայ-ռուսական միջխորհրդարանական հանձաժողովի անդամների մասնակցությունը վերահիշյալ միջոցառմանը: Հղումներ թեմայով.   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Մի խումբ քաղաքացիներ փակել են Երևան-Սևան ճանապարհը` հաջակցություն տավուշցիների  «Որտեղ ակցիա լինի՝ մասնակցելու ենք, չսարքենք սա քաղաքական թեմա», - հայտարարել են ցուցարարներըՊապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանըՋահերով երթը կմեկնարկի Հանրապետության հրապարակից Կսահմանափակվի երթևեկությունը մայրաքաղաքի մի շարք փողոցներումՖրանսահայ լրագրողի մուտքը ՀՀ արգելվել է․ Նա «Զվարթնոց» օդանավակայանում հացադուլ է հայտարարել «Ես Հայաստանից գնացոը չեմ, հենց այստեղ, անձնագրային բաժնում, հայտարարում եմ հացադուլ»,–ասել է նա տեսաուղերձում |
