Լուիս-Մար դե Պուչ. Հայաստանի ապագայի համար պատասխանատու են ինչպես իշխանություններն, այնպես էլ` ընդդիմությունը24 հուլիսի 2008 - 15:37 AMT PanARMENIAN.Net - Նախագահ Սերժ Սարգսյանն այսօր ընդունել է Եվրոպայի խորհրդի Խորհրդարանական Վեհաժողովի նախագահ Լուիս Մարի դե Պուիչին: Այդ մասին PanARMENIAN.Net ին հայտնել են ՀՀ նախագահի մամլո ծառայությունում: Զրուցակիցները քննարկել են ԵԽԽՎ 1609 եւ 1620 բանաձեւերում ամփոփված առաջարկությունների կատարման ընթացքը: Նշելով, որ իշխանություններն ամենայն մանրամասնությամբ ուսումնասիրել են երկու բանաձեւերն էլ, Նախագահ Սարգսյանն վերահաստատել է դրանցից բխող դրույթների իրականացման գործում Հայաստանի վճռականությունը: Նա միաժամանակ ասել է, որ այդ դրույթներն արտացոլված են նաեւ Հանրապետության Նախագահի նախընտրական ծրագրում եւ քաղաքական կոալիցիայի հուշագրում: «Այնպես որ, այդ քայլերը մենք կատարում ենք ոչ թե պարտադրանքով, այլ` ներքին համոզմունքով»,-ընդգծել է երկրի ղեկավարը` հավելելով. «Խորապես համոզված է, որ այլ ճանապարհ, քան երկրի ժողովրդավարացումն է Հայաստանը չունի, եւ մենք հետեւողականորեն գնալու ենք այդ ուղիով»:Դրական գնահատելով հայաստանյան այցից իր տպավորությունները, ԵԽԽՎ նախագահն ասել է, որ նպատակ ուներ քաջալերել, օգնել, որպեսզի Եվրախորհրդի բանաձեւերի առաջարկությունները հնարավորինս արագ կյանքի կոչվեն: Նա նշել է, որ այդ ուղղությամբ արդեն որոշակի առաջընթաց կա, ինչը ողջունելի է: Լուիս Մարի դե Պուիչը Հանրապետության նախագահի հետ խոսել է մարտի 1-2-ի դեպքերի անաչառ հետաքննության մասին: Նա իր համաձայնությունն է հայտնել ԵԽ մարդու իրավունքների հանձնակատար Թոմաս Համմարբերգի` փաստահավաք խումբ ստեղծելու առաջարկությանը: ԵԽԽՎ նախագահի արծարծած հաջորդ խնդիրը վերաբերել է անազատության մեջ գտնվող անձանց: Այս առնչությամբ նա միաժամանակ նշել է, որ խոսքը չի վերաբերվում բռնարարքներ կամ հանցանք կատարած մարդկանց: Նախագահ Սարգսյանը բացառել է, որ որեւէ մեկը կարող է դատապարտվել առանց հիմնավոր ապացույցների եւ մեղադրանքի: ԵԽԽՎ նախագահը վստահություն է հայտնել, որ Հայաստանը կկարողանա արագորեն հաղթահարել դժվարությունները եւ լիարժեք ժողովրդավարություն կառուցել: Նրա խոսքով, պարտավորություններ ունեն եւ երկրի ապագայի համար պատասխանատվություն են կրում ինչպես իշխանություններն, այնպես էլ` ընդդիմությունը: Լուիս Մարի դե Պուիչն ասել է, որ Եվրախորհուրդը հարգանքով է վերաբերում Հայաստանի ժողովրդի ընտրությանը` նույնն առաջարկելով ընդդիմությանը` ճանաչել ընտրությունների արդյունքներն, ինչը ամրագրված է 1609 բանաձեւում: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |