ԶԼՄ. Զիդանի աշխատավարձը «Ռեալ» վերադառնալուց հետո գրեթե կրկնապատկվել է

ԶԼՄ. Զիդանի աշխատավարձը «Ռեալ» վերադառնալուց հետո գրեթե կրկնապատկվել է

PanARMENIAN.Net - Իսպանական El Confidencial պարբերականը բացահայտել է Մադրիդի «Ռեալի» հետ ֆրանսիացի մարզիչ Զինեդին Զիդանի պայմանագրի մանրամասները: Վերադարձը Մադրիդ Զիդանին թույլ կտա տարեկան 12 մլն եվրո բազային աշխատավարձ ստանալ: Ընդ որում, գումարը կարող է աճել բոնուսների շոնրհիվ:

Մինչև 2018-ին ակումբից հեռանալը Զիդանը ստանում էր 7,5 մլն եվրո, գրում է Lenta.ru-ն:

Մարտի 11-ին «Ռեալը» հայտարարեց Զիդանին գլխավոր մարզչի պաշտոնում վերանշանակելու մասին: Նրա հեռանալուց հետո դեռ մեկ տարի էլ չէր անցել: «Ռեալը» նրա գլխավորությամբ 3 անգամ նվաճել է ՉԼ գավաթը:

46-ամյա Զիդանն աշխատում է «Ռեալի» հետ 2014-ից: Սկզբից ֆրանսիացին աշխատում էր «Ռեալի» երիտասարդական թիմի հետ, իսկ 2016-ին գլխավորեց հիմնական թիմը:

2001-2006-ը Զիդանը եղել է «Ռեալի» ֆուտբոլիստներից մեկը: Այդ թիմի կազմում նա դարձել է երկրի չեմպիոն և նվաճել է Չեմպիոնների լիգայի գավաթը: Զիդանը նաև աշխարհի չեմպիոն է դարձել 1998-ին և մրցաշարի եզրափակչի մասնակից 2006-ին Ֆրանսիայի հավաքականի կազմում: Զիդանը նաև Եվրոպայի չեմպիոն է եղել 2000-ին:

 Ուշագրավ
Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը
Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը
Հավանայում կայացել է Ծանրամարտի միջազգային ֆեդերացիայի նիստը
---