Բուենոս Այրեսում Հայոց ցեղասպանության թանգարան կկառուցվի

Բուենոս Այրեսում Հայոց ցեղասպանության թանգարան կկառուցվի

PanARMENIAN.Net - Արգենտինայի մայրաքաղաք Բուենոս Այրեսում Հայոց ցեղասպանության թանգարան կկառուցվի:

«Բուենոս Այրեսի օրենսդիր մարմինը հավանություն է տվել մի նախագածի, որով Հայոց ցեղասպանության հիշատակի հիմնադրամին թույլատրվում է կառուցել քաղաքում Հայաստանի պատմության, մշակույթի և հիշողության թանգարան: Թանգարանը կկառուցվի Գուրուչագա փողոցում՝ Պալերմո շրջանի հայաբնակ թաղամասի հարևանությամբ»,-հայտնում է Արգենտինայում լույս տեսնող Estacao Armenia պարբերականը:

Նշվում է նաև, որ թանգարանը բազմաֆունկցիոնալ հարթակ կհանդիսանա: Թանգարանին կից գրադարան կգործի:

Արգենտինայում մեծ և ազդեցիկ հայ համայնք կա՝ մոտ 200,000 մարդ: Արգենտինահայերի մեծ մասը Հայոց ցեղասպանությունը վերապրածների ժառանգներն են: Արգենտինան Հայոց ցեղասպանությունը ճանաչած առաջին երկրներից է:

 Ուշագրավ
Կողմերն անդրադարձել են ՀՀ-ԵՄ հարաբերություններին, Լեռնային Ղարաբաղի շուրջ ստեղծված իրավիճակին
Ավելի վաղ ԱՀ նախագահը հանդիպել էր Արկադի Ղուկասյանի և Բակո Սահակյանի հետ
Նա նշել է, որ Մեծի Տանն Կիլիկիո կաթողիկոսությունը չի կարող անտարբեր և լուռ մնալ
---