Վարչապետ. ՀՀ-ԵՄ օրակարգում ոչ թե ՀԱԷԿ-ի փակումն է, այլ համարժեք հզորությունների ձևավորումը

Վարչապետ. ՀՀ-ԵՄ օրակարգում ոչ թե ՀԱԷԿ-ի փակումն է, այլ համարժեք հզորությունների ձևավորումը

PanARMENIAN.Net - ՀՀ վարչապետ Նիկոլ Փաշինյանը, Մատենադարանում ասուլիսի ընթացքում անդրադառնալով ԵՄ-ի հետ Համապարփակ և ընդլայնված գործընկերության համաձայնագրում ՀՀ ատոմակայանին վերաբերվող մասին, հայտարարել է, որ օրակարգում ոչ թե ատոմակայանի փակումն է, այլ դրան համարժեք հզորությունների ձևավորումը:

«ԵՄ-ի հետ Համապարփակ և ընդլայնված գործընկերության համաձայնագրում ատոմակայանի փակման թեման շեշտադրվում է համարժեք հզորությունների ձևավորման հետ: Իրականում այդտեղ ոչ թե գրված է ատոմակայանի փակման, այլ համարժեք հզորությունների ձևավորման մասին»,- ասել է վարչապետը:

Նա հավելել է, որ որքան հնարավոր է ատոմակայանի գործունեությունը կերկարաձգվի:

«Սակայն պարզ է, որ այն հավերժ չի կարող աշխատել: Նորից եմ ասում, մեր օրակարգում քննարկվող հարցը ոչ թե ատոմակայանի փակումն է, այլ համարժեք հզորությունների ձևավորումը» ,- ասել է վարչապետ:

Անդրադառնալով Բրյուսել ակատարած իր այցի արդյունքներին, Փաշինյանն ասել է, որ ԵՄ-ի հետ 13 ծրագիր կա, որոնք վերաբերում են ենթակառուցվածքների զարգացմանը, ջրամբարաշինությանը, ճանապարհներին։ Հայաստանում մոտ 2 տասնյակ նոր ջրամբար կառուցելու գործընթաց է սկսվելու:

 Ուշագրավ
Տնտեսությանը վնասել է նաև ռազմական դրությունը
ՏՄՊՊՀ-ի առաջարկով ծաղկի մեծածախ և մանրածախ կետերում փակցվել են նաև գնապիտակներ
Չվերթերը կիրականացվեն հոկտեմբերի 3-ից
Հաղթողը վճարելու է նաև հողամասի կադաստրային արժեքը՝ 40․6 մլն դրամից ավելի