Ադրբեջանի Ազգային բանկը (ԱԱԲ) հանձնարարել է հանրապետության բանկերին հուլիսի 30-ից դադարեցնել համագործակցությունը Western Union եւ MoneyGram դրամական փոխանցման համակարգերի հետ: Ըստ ԱԱԲ-ի, Western Union եւ MoneyGram-ը շարունակում են «ապօրինի» գործողություններ անցկացնել Լեռնային Ղարաբաղում: Ավելի վաղ ԱԱԲ-ն արդեն զգուշացրել էր այդ ընկերություններին «Լեռնային Ղարաբաղի տարածքում դրամային փոխադրումների իրականացումը դադարեցնելու անհրաժեշտության» մասին: Այդ մասին հաղորդում է «Ինտերֆաքս» գործակալությունը:

2008թ. հուլիսի վերջին Day.az պորտալը մի քանի հոդվածներ էր հրապարակել, որտեղ հաղորդում էր, որ շնորհիվ Western Union-ի եւ MoneyGram-ի Լեռնային Ղարաբաղի բնակիչները, որոնք 1988թ. հայտարարեցին Ադրբեջանի կազմից դուրս գալու մասին, կարող են ստանալ դրամական փոխադրումներ: Ավելի վաղ Day.az-ում հրապարակված նման հոդվածի պատճառով դադարեցրել էր դեպի Ղարաբաղ իրականացվող փոխանցումները «Migom» համակարգը: