ՀՀ վարչապետ Նիկոլ Փաշինյանը դատարանում վկայի կարգավիճակով ցուցմունք է տվել 2017 թվականի խորհրդարանական ընտրություններին նախօերին ԵԼՔ դաշիքնի վստահված անձանց վրա զինված հարձակում իրականացրած Արթուր Այվազյանի գործով, հայտնել է «Ազատություն ռադիոկայանը»:
2017 թվականի խորհրդարանական ընտրություններին նախօերին՝ ապրիլի 1-ին, ոստիկանությունը հաղորդագրություն էր տարածել՝ տեղեկացնելով, թե Փաշինյանը ահազանգել է և հայտնել, որ Սվաճյան և Անդրանիկի փողոցների խաչմերուկում ընտրություններին մասնակցող ԵԼՔ դաշիքնի վստահված անձանց վրա զինված հարձակում է տեղի ունեցել և գողացել են դրոշները:
Նշվում էր նաև, որ դեպք վայրում կատարվել են անհետաձգելի մի շարք միջոցառումներ և կարճ ժամանակ անց ոստիկանության ծառայողները պարզել են հանցագործությունը կատարողի ինքնությունը՝ 1977 թվականին ծնված Արթուր Այվազյանը՝ հայտնի Մանախ անունով:
Հարուցվել էր քրեական գործ ՀՀ քրեական օրենսգրքի 258 հոդվածի 2-րդ մասի հատկանիշներով` «խուլիգանությունը, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով»:
Արթուր Այվազյանը նաև 15 տարվա ազատազրկման էր դատապարտվել Հոկտեմբերի 27-ի գործով կարևորագույն վկայի սպանությունը պատվիրելու և իրագործելու համար: