Զեյնալյան. Դատավորները պետք է բավարար վարձատրվեն և համարժեք կենսաթոշակ ստանան10 ապրիլի 2019 - 16:44 AMT PanARMENIAN.Net - Արդարադատության նախարար Արտակ Զեյնալյանը, լրագրողների հետ զրույցում խոսելով դատական համակարգում կոռուպցիայի մասին, ասել է, որ դատական համակարգում կան կոռուպցիոն ռիսկեր: «Դատական համակարգում կոռուպցիա կա և դա պետք է արմատախիլ արվի: Իհարկե, պետք է նաև վերացվեն կոռուպցիոն ռիսկերը»,-ասել է նախարարը՝ հավելելով, որ դատավորները պետք է ունենան բավարար վաստակ և համարժեք կենսաթոշակ, հայտնում է Yerkir.am-ը: «Դատական համակարգում կոռուպցիա կա, համենայնդեպս, նման ընկալում և տպավորություն կա, ինչի մասին են խոսում այն բացահայտումները, կոռուպցիայի մասով ձերբակալությունները, որոնք տեղի են ունենում, ինչպես նաև այն գործերը, որոնք այս պահին քննվում են...Իհարկե, պետք է նաև վերացվեն կոռուպցիոն ռիսկերը: Կոռուպցիոն ռիսկերից է սոցիալական երաշխիքի ցածր մակարդակը, դատավորները պետք է ունենան բավարար սոցիալական երաշխիքներ, վաստակ և համարժեք կենսաթոշակ»,-ասել է նա: Նա հավելել է, որ Հայաստանը Եվրոպայի խորհրդում այս առումով գտնվում է վերջին տեղում, ամենավերջին տեղն է զբաղեցնում: «Հիմա միջին հաշվով յուրաքանչյուր դատավոր ստանում է 1100 եվրոյին համարժեք դրամ, իսկ նախավերջին տեղում գտնվող Մոլդովայում դա ավելի քան 3 անգամ բարձր է: Սրանք այդ կոռուպցիոն ռիսկերի նվազեցման գործոններից մեկն է»,-հավելել է նախարարը: Ավելի վաղ հայտնի դարձավ, որ ՀՀ արդարադատության նախարարութնունը դատավորների՝ դժբախտ պատահարներից պետական միջոցների հաշվին ապահովագրության պայմանները և չափը սահմանող նախագիծ է դրել շրջանառության մեջ։Ապահովագրական հատուցման չափ է սահմանվել առաջին խմբի հաշմանդամների դեպքում՝ 3․5 մլն դրամ, երկրորդ խմբի հաշմանդամին՝ 2․25 մլն դրամ, երրորդ խմբի՝ 1 մլն դրամ: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Փաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա |