Ռուսաստանը ղարաբաղյան գործընթացում Թուրքիայի միջամտություն թույլ չի տա 9 սեպտեմբերի 2008 - 19:53 AMT PanARMENIAN.Net - Քանի որ Թուրքիան ադրբեջանամետ երկիր է, դժվար թե Հայաստանը նրան վստահի որպես Լեռնային Ղարաբաղի հակամարտության կարգավորման գործընթացի միջնորդ: Այդ մասին PanARMENIAN.Net ի թղթակցին է հայտնել Կովկասի հարցերով եվրոպական փորձագետ, ստոկհոլմյան Անվտանգության եւ զարգացման քաղաքականության ինստիտուտի համատնօրեն Սվանտե Կոռնելը ` մեկնաբանելով Թուրքիայի նախագահ Աբդուլլա Գյուլի` Հայաստանի եւ Ադրբեջանի նախագահների միջեւ որպես միջնորդ հանդես գալու նրա նպատակը: Բացի դրանից, ավելացրել է նա, Ռուսաստանը, որը ԵԱՀԿ Մինսկի խմբի համանախագահն է եւ ցանկանում է պահպանել ներկայիս ձեւաչափը, Թուրքիայի միջամտություն թույլ չի տա: Ավելի վաղ Աբդուլլա Գյուլը հայտնել էր, որ նպատակ ունի միջնորդ դառնալ Հայաստանի եւ Ադրբեջանի նախագահների միջեւ: Թուրքիայի նախագահի խոսքերով, Հայաստանի նախագահ Սերժ Սարգսյանն իր համաձայնությունն է տվել հանդիպման կազմակերպմանը: Ընդ որում, Գյուլը հույս է հայտնել, որ իր համաձայնությունը կտա նաեւ Ադրբեջանի նախագահ Իլհամ Ալիեւը: «Ես նրա հետ կհանդիպեմ մոտ ժամանակներս եւ կքննարկեմ բոլոր մանրամասները, ինչպես նաեւ Հայաստան կատարած իմ այցի արդյունքները»,-հայտնել էր նա: Մինչդեռ այսօր Գյուլը հայտնեց, որ «17 տարի գործող ԵԱՀԿ Մինսկի խումբը չկարողացավ զգալի արդյունքների հասնել»: Ընդ որում, նա նշել է, որ Թուրքիայի եւ Հայաստանի, Ադրբեջանի եւ Հայաստանի միջեւ հարցերը միայն երկկողմանի չեն. դրանք տարածքային հարցեր են: «Իրադրությունը տարածաշրջանում զգալիորեն փոխվել է. խաղաղությունը Կովկասում, պետությունների միջեւ հակամարտությունների կարգավորումը կբերի ոչ միայն քաղաքական, այլեւ տնտեսական կայունության»,- նշել է Աբդուլլա Գյուլը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |