Թուրքիան ավելի է շահագրգռված հայ-թուրքական հարաբերությունների կարգավորման հարցում10 սեպտեմբերի 2008 - 15:12 AMT PanARMENIAN.Net - «Կար ժամանակ, երբ Հայաստանն էր շահագրգռված հայ-թուրքական սահմանի բացման մեջ: Իսկ այժմ Թուրքիան է առավել շահագրգիռ դրանում եւ ընդհանրապես հայ-թուրքական հարաբերությունների կարգավորման հարցում»,-Երեւանում հայտարարել է ՀՀ ԳԱԱ արեւելագիտության ինստիտուտի տնօրեն, պրոֆեսոր Ռուբեն Սաֆրաստյանը: Նրա կարծիքով, Հայաստանի հանդեպ տնտեսական ճնշում գործադրելու Թուրքիայի նախկին քաղաքականությունն այժմ վերանայվում է Անկարայի կողմից: «Տնտեսական գործոնն առաջին հերթին կապված էր Ադրբեջանի եւ Վրաստանի հետ Բաքու-Թբիլիսի-Ջեյհան նավթամուղի եւ Կարս-Թբիլիսի-Բաքու երկաթուղու պատճառով: Սակայն Վրաստանը անհուսալի գործընկեր դուրս եկավ, իսկ Ադրբեջանը չափազանց զգուշավոր քաղաքականություն է վարում: Ավելին, նախկինում ենթադրվում էր զինված ուժեր տեղակայել նավթամուղի պահպանությունն իրականացնելու համար: Այժմ Անկարան գերադասում է կապեր հաստատել Ռուսաստանի եւ Հայաստանի, որպես տարածաշրջանում ՌԴ-ի ռազմավարական գործընկերոջ հետ»,-ընդգծել է Սաֆրաստյանը: Նա նաեւ նշել է, որ հայ դիվանագիտության առջեւ նոր խնդիրներ են ծառացել տարածաշրջանում փոխված աշխարհաքաղաքական իրավիճակի կապակցությամբ: «Ներկա ժամանակը նոր մոտեցումներ եւ Հայաստանի կողմից դիվանագիտական ջանքերի ակտիվացում է պահանջում»,-գտնում է հայ գիտնականը: Հայ-թուրքական սահմանը Անկարան միակողմանի կարգով փակել է 1993թ. Լեռնային Ղարաբաղի հակամարտության պատճառով: Թուրքիան այդ դիմակայության մեջ ադրբեջանամետ դիրքորոշում ունի: Երկու երկրների միջեւ բացակայում են դիվանագիտական հարաբերությունները: Մինչդեռ, 1991-1993թթ. Թուրքիան դեսպան ուներ Հայաստանում` Վոլկան Վուրալը (նստավայրը` Մոսկվա): Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |