Թրամփն Իրանին ոչնչացմամբ է սպառնացել

Թրամփն Իրանին ոչնչացմամբ է սպառնացել

PanARMENIAN.Net - ԱՄՆ նախագահ Դոնալդ Թրամփը նախազգուշացրել է Իրանին՝ ձեռնպահ մնալ ռազմական գործողություններից, ինչպես նաև սպառնացել է Իրանի «վերջը տալ»:

«Եթե Իրանը պատերազմ է ուզում, ապա այդ դեպքում Իրանի վերջը պաշտոնապես կգա: Այլևս երբեք չսպառնաք Միացյալ Նահանգներին»,-գրել է Թրամփն իր Twitter-ում մայիսի 19-ին:

Թեհրանի ու Վաշինգտոնի միջև հարաբերությունները սրվեցին, երբ Իրանը հրաժարվեց կատարել Գործողությունների համատեղ համապարփակ ծրագրի շրջանակում իր պարտավորությունների մի մասը կատարելուց, որից ավելի վաղ ԱՄՆ-ն դուրս էր եկել միակողմանի կարգով, գրում է Deutsche Welle-ն:

Թեհրանը «5+1» խմբին 60 օր է տվել երկրի նավթային ու գազային հատվածը ԱՄՆ պատժամիջոցներից պաշտպանելու համար: ԵՄ-ն, Ֆրանսիան, ԳԴՀ-ն ու Մեծ Բրիտանիան մերժել են այդ պահանջները, իսկ Թրմափը հայտարարել է Իրանի դեմ նոր պատժամիջոցներ սահմանելու մասին:

ԱՄՆ-ն նաև ավիակիրների հարվածային խումբ է ուղարկել Մերձավոր Արևելք:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին