Մարի Յովանովիչը խոստացել է հայ-ամերիկյան հարաբերությունների զարգացման համար գործադրել բոլոր ջանքերը19 սեպտեմբերի 2008 - 16:57 AMT PanARMENIAN.Net - Սեպտեմբերի 19-ին Հայաստանում ԱՄՆ նորանշանակ դեսպան Մարի Յովանովիչը ՀՀ ԱԳ նախարար Էդվարդ Նալբանդյանին է հանձնել իր հավատարմագրերի պատճենները: Այդ մասին PanARMENIAN.Net ին հաղորդել են ՀՀ ԱԳՆ մամլո ծառայությունում: Ողջունելով հյուրին` ՀՀ ԱԳ նախարարը շնորհավորեց Մարի Յովանովիչին ՀՀ-ում ԱՄՆ դեսպանի պաշտոնում նշանակվելու կապակցությամբ եւ հաջողություն մաղթեց դիվանագիտական առաքելության կատարման գործում: Հանդիպման ընթացքում զրուցակիցները քննարկեցին երկկողմ հարաբերությունների զարգացման հեռանկարները: Էդվարդ Նալբանդյանն ընդգծել է, որ Հայաստանը կարեւորում է Ամերիկայի Միացյալ Նահանգների հետ բազմաբովանդակ հարաբերությունների խորացումը եւ հետամուտ է լինելու երկու երկրների բարեկամական գործընկերության եւ համագործակցության ամրապնդմանը: Նախարար Նալբանդյանն ու դեսպան Յովանովիչն անդրադարձան նաեւ Լեռնային Ղարաբաղի հիմնախնդրի կարգավորման բանակցությունների վերջին զարգացումներին: ՀՀ ԱԳ նախարարը նշել է, որ ԵԱՀԿ Մինսկի խումբը Լեռնային Ղարաբաղի կարգավորման գործընթացի գործող ձեւաչափ է, որն ապացուցել է իր կենսունակությունը եւ վայելում է միջազգային հանրության աջակցությունը: Նա ընդգծել է, որ Մինսկի խմբի ձեւաչափով եւ մադրիդյան առաջարկությունների հիման վրա ընթացող բանակցությունները կարող են բերել հիմնախնդրի հանգուցալուծմանը: Անդրադառնալով Հարավային Կովկասում տեղի ունեցած վերջին իրադարձություններին`` ՀՀ ԱԳ նախարարը նշել է, որ Հայաստանը միշտ եղել եւ շարունակում է համոզված լինել, որ հակամարտությունների լուծման ռազմական ճանապարհը անհեռանկարային է: Դեսպանի խնդրանքով ներկայացնելով հայ-թուրքական հարաբերությունների կարգավորման հնարավորությունները` Հայաստանի արտաքին քաղաքական գերատեսչության ղեկավարը վերահաստատեց Հայաստանի պատրաստակամությունը Թուրքիայի հետ առանց նախապայմանների դիվանագիտական հարաբերություններ հաստատելու եւ հայ-թուրքական սահմանը բացելու վերաբերյալ: Նախարար Նալբանդյանի կարծիքով, ՀՀ նախագահ Սերժ Սարգսյանի հրավերը իր թուրք գործընկերոջը եւ վերջինիս այցը Հայաստան պատմական հնարավորություն ընձեռեցին հարաբերությունների կարգավորման համար: ԱՄՆ նորանշանակ դեսպանն իր հերթին հավաստիացրեց, որ հայ-ամերիկյան հարաբերությունների զարգացման եւ ընդլայնման նպատակով կգործադրի բոլոր ջանքերը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |