Դել Բոսկե. Հայկական ֆուտբոլը պետք է առաջ գնա՝ վերջին հաղթանակները վստահություն են ներշնչում18 հունիսի 2019 - 14:56 AMT PanARMENIAN.Net - Հայկական ֆուտբոլը պետք է կամաց-կամաց առաջ գնա՝ վերջին հաղթանակները վստահություն են ներշնչում: Այդ մասին հայտարարել է իսպանացի աշխարհահռչակ ֆուտբոլային մարզիչ Վիսենտե դել Բոսկեն, որը Հայաստանում է և դասախոսություն է կարդալու հայաստանցի մարզիչների համար: Իսպանիայի հավաքականի հետ աշխարհի ու Եվրոպայի չեմպիոն դարձած, «Ռեալ Մադրիդի» հետ Չեմպիոնների լիգայում ու Լա լիգայում հաղթած մասնագետը շնորհավորել է Հայաստանի ֆոտբոլի ֆեդերացիային եւ հավաքականին վերջին 2 հաղթանակների կապակցությամբ, «ինչը վստահաբար շանս է», հայտնում է «Հայկական ժամանակը»: «Կարծում եմ՝ սա շատ լավ պահ է հայկական ֆուտբոլի համար...Երիտասարդները պետք է համբերություն ունենան զարգանալու համար: Այս վերջին հաղթանակներն էլ վստահություն են ներշնչում, սակայն միևնույն ժամանակ դրանցից հետո նրանցից պահանջներն ավելի են մեծանալու»,-ասել է նա: Պատասխանելով այն հարցին, թե ինչը ստիպեց նրան Հայաստան գալ՝ Դել Բոսկեն ասել է. «Ինչպես գիտեք, ընկեր ունեմ, որի հետ երկար տարիներ աշխատել ենք «Ռեալ Մադրիդում» ու Իսպանիայի հավաքականում: Ֆիզպատրաստության մարզիչ Խավյեր Մինյանոն է: Շատ պատրաստված անձնավորություն է: Սա նրա, ինչպես նաեւ ՀՀ հավաքականի մարզչի հետ ունեցած հարաբերությունների արդյունք է: Դրա համար ենք այստեղ»: Դել Բոսկեն նշել է նաև, որ ֆուտբոլն օր-օրի ավելի մեծ պատրաստվածություն է պահանջում մարզիչներից, ֆիզպատրաստության մարզիչներից: «Բոլոր տեղերում էլ նույն կերպ է, նույնն է պահանջվում. սպորտային լավ ենթակառուցվածքներ, լավ մասնագետներ, և սա կազդի երիտասարդների վրա, ու կաճեն որպես լավ մարզիկներ: Իսպանիայի համար, օրինակ, շատ լավ էր, որ մարզիչները սկսեցին աշխատել արտասահմանում, լավ էր, որ խաղացողները գնացին՝ արտասահմանում խաղալու: Բաներ, որոնք Հայաստանում նույնպես տեղի են ունենում: Սա միշտ լավ է»,-ասել է նա: Իսպանիայի հավաքականի և Մադրիդի «Ռեալի» նախկին գլխավոր մարզիչ Վիսենտե Դել Բոսկեն Երևան է ժամանել Հայաստանում մարզչական կրթության որակի բարձրացմանն ուղղված ՀՖՖ ծրագրի շրջանակում:Նա համաշխարհային ֆուտբոլի պատմության տիտղոսակիր մարզիչներից մեկն է: Նրա գլխավորությամբ Մադրիդի «Ռեալը» 2-ական անգամ հաղթել է Իսպանիաի առաջնությունում և Չեմպիոնների լիգայի մրցաշարում, իսկ Իսպանիայի հավաքականը դարձել է աշխարհի 2010 թ. և Եվրոպայի 2012 թ. չեմպիոն: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը Հավանայում կայացել է Ծանրամարտի միջազգային ֆեդերացիայի նիստը | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |