Թբիլիսիի բախումներում 240 մարդ է տուժել

21 հունիսի 2019 - 12:45 AMT

PanARMENIAN.Net - Հունիսի 21-ի գիշերը Թբիլիսիում ոստիկանների և ցուցարարների միջև բախումների հետևանքով 240 մարդ է տուժել, նրանցից 80-ն ուժայիններ են, հայտնել է Վրաստանի առաջին ալիքը:

Նրանցից 102-ը շարունակում են մնալ հիվանդանոցում: Տուժածներից մեկի վիճակը շարունակում է ծանր մնալ, երկու հուգի վիրահատվել է:

Հունիսի 21-ի գիշերը Թբիլիսիի ոստիկանությունը ցրել է Վրաստանի խորհդարանի շենքի մոտ անցկացվող հակառուսական բազմահազարանոց հանրահավաքը, որի մասնակիցների դեմ կիրառվել են ջրցան մեքենաներ, ռետինե փամփուշտներ և արցունքաբեր գազ:

Բողոքի ակցիաները սկսվել են հունիսի 20-ին երկրի խորհրդարանում անցկացվող Ուղղափառության միջխորհրդարանական վեհաժողովում տեղի ունեցած միջադեպից հետո, երբ Ռուսաստանի Դաշնության Պեդումայի պատգամավոր Սերգեյ Գավրիլովը բացել է կազմակերպության նստաշրջանը՝ զբաղեցնելով վրացական խորհրդարանի խոսնակի աթոռը: Այդ ժամանակ նիստերի դահլիճ են ներխուժել վրացական ընդդիմադիր ուժերի ներկայացուցիչները՝ պահանջելով ռուս պատգամավորից վեր կենալ երկրի օրենսդիր մարմնի ղեկավարի աթոռից, լքել դահլիճը:

Հղումներ թեմայով.

1tv.ge. Заместитель министра здравоохранения - Всего на акциях пострадали 240 человек, из них 102 пациента остаются в клиниках