 Պուտինը դեռ չի որոշել` ինչ է անելու 2024-ից հետո 4 հուլիսի 2019 - 14:13 AMT PanARMENIAN.Net - ՌԴ նախագահ Վլադիմիր Պուտինը չի պատասխանել այն հարցին, թե կհեռանա արդյոք քաղաքականությունից 2024 թվականից հետո՝ նշելով, որ այս պահի դրությամբ ինքը շատ անելիք ունի զբաղեցրած պաշտոնում: «Այդ մասին դեռևս վաղ է խոսելը: Առջևում ևս 5 տարվա լարված աշխատանք է: Նման արագ դինամիկայի պարագայում, որն այժմ կա աշխարհում, դժվար է կանխատեսումներ անել: Հավատացեք, հիմա ես այնքան անելիք ունեմ, այն պաշտոնում, որը զբաեղցնում եմ»,-ասել է Պուտինը Corriere della Sera թերթին տված հարցազրույցում, գրում է Ինտերֆաքսը: Նա այդպես է պատասխանել այն հարցին թե «մտածել է արդյոք 2024-ից առանց Պուտինի Ռուսաստանի մասին» և մտադիր է արդյոք հեռանալ քաղաքականությունից, թե, ինչպես շատերն են կարծում, կմնա այլ կարգավիճակում: Այն դիտարկմանը, որ Պուտինը չունի իրական քաղաքական հակառակորդներ, քանի որ ընտրություններում հավաքել է ձայների գրեթե 77 տոկոսը, իսկ զարգացման ծրագրերը դժվարությամբ են թափ ստանում՝ ՌԴ նախագահը պատասխանել է. «Հարցը ընտրություններում հավաքած տոկոսները չեն, այլ տնտեսական իրողությունները, որոնց հետ բախվում է Ռուսաստանը: Այն է՝ մեր արտահանման ավանդական ապրանքների՝ նավթի, գազի, մետաղի, գների անկումը կամ տատանումները միջազգային շուկաներում: Անկասկած, ազդում են նաև արտաքին սահմանափակումները»:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է  Նշվում է, որ երկու երկրների փորձագիտական խմբերի աշխատանքները շարունակվում ենԿիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |
