Իրանը հրաժարվում է ուրանի հարստացման նվազագույն շեմը պահպանելու պարտավորությունից 8 հուլիսի 2019 - 10:44 AMT PanARMENIAN.Net - Իրանն այլևս չի կատարի Վիեննայի միջուկային համաձայնագրով ձեռք բերված պայմանները: Հուլիսի 7-ից Թեհրանը սկսում է ուրանի հարստացումը՝ անտեսելով 3,67 տոկոս սահմանված նվազագույն շեմը: Այդ մասին հայտարարել է Իրանի կառավարության ներկայացուցիչ Ալի Ռաբեյը: Չնայած միջազգային հանրության զգուշացումներին՝ Իրանը հրաժարվում է 2015-ի Վիեննայի միջուկային համաձայնագրով իր պարտավորություններից, որով չէր թույլատրվում ուրանը 3,67 տոկոսից ավելի հարստացնել: «Այսօրվանից մենք այլևս չենք կատարի 3,67 տոկոսի սահմանափակումը և կհարստացնենք ուրանն ըստ մեր պահանջների»,-ասել է Իրանի կառավարության խոսնակը, հայտնում է Deutsche Welle-ն: Իրանի ատոմային էներգիայի կազմակերպության ներկայացուցիչ Աբբաս Արաքչին նշել է, որ Թեհրանը մտադիր է սկսել ուրանի փուլային հարստացում մինչև 20 տոկոս: Սակայն այդ մասին կառավարության որոշում դեռ չկա: Իրանի ԱԳ փոխնախարար Արաքչին նշել է, որ պայմանագրից ԱՄՆ միակողմանի հրաժարվելուց հետո, Թեհրանը «դիվանագիտությանը 1 տարի ժամանակ էր տվել, սակայն դա արդյունք չտվեց»: Սակայն, նա հավելել է, որ դիվանագիտական կարգավորման հնարավորությունները դեռևս սպառված չեն: Իրանը դեռևս չի պատրաստվում ավելացնել ուրանի հարստացման ցենտրիֆուգերի քանակը, սակայն սա կարող է հաջորդ քայլը լինել: Միջուկային գործարքով մյուս պարտավորություններից հրաժարվելու մասին Իրանը կհայտարարի 60 օրվա ընթացքում: Ըստ Արաքչիի, եթե ԱՄՆ-ն չեղարկի Իրանի դեմ բոլոր պատժամիջոցները, Թեհրանը պատրաստ կլինի Վաշինգտոնի հետ միջուկային բանակցություններին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |