Միրզոյան. ԱՄՆ-ն չպետք է ճնշի ՀՀ-ին՝ հակաիրանական պատժամիջոցներին միանալու համար, նման գին չենք կարող վճարել

PanARMENIAN.Net - ԱՄՆ Ներկայացուցիչների պալատի ժողովրդավարական գործընկերության հանձնախմբի հրավերով Միացյալ Նահանգներում գտնվող ՀՀ ԱԺ նախագահ Արարատ Միրզոյանը ելույթ է ունեցել Ատլանտյան խորհրդում:

«Ամերիկայի ձայնի» փոխանցմամբ, Միրզոյանն անդրադարձել է տարածաշրջանում առկա իրավիճակին. նա նշել է, որ ԱՄՆ-Իրան հարաբերություններում լարվածությունը բացասաբար է անդրադառնում Հայաստանի տնտեսության վրա:

Միրզոյանը կարևորել է Թեհրանի հետ հարաբերությունները, քանի որ Հայասատանի 4 սահմանից երկուսը փակ են:

«Հարաբերությունների զարգացումը բարեկամ մեկ երկրի հետ չպետք է լինի ի հաշիվ մեկ այլ բարեկամ երկրի: Մենք կցանկանանք, որ ԱՄՆ ճնշում չգործադրի Հայաստանի վրա՝ իրանական պատժամիջոցների օրակարգում ներգարվվելու համար: Հայաստանը չի կարող նման գին վճարել»,- նշել է Միրրզոյանը:

Նա նաև հայտնել է, որ Հայաստանը հետաքրքված է զարգացնելու հարաբերությունները Միացյալ Նահանգների հետ:

«Մեր հարաբերությունները պետք է դիվանագիտական հռչակագրերի դաշտից տեղափոխվեն հստակ գործնկերային հարաբերությունների դաշտ: Անհրաժեշտ է կառուցել օրակարգ՝ ուղղված դեպի կոնկրետ նպատակների իրականացում»,- ասել է Միրզոյանը

Երախտագիտություն հայտնելով տարիների ընթացքում տրամադրված ամերիկայն օգնության համար՝ նա ընդգծել է, որ Միացյալ Նահանգների աջակցությունը կարևոր է Հայաստանի համար ոչ միայն տնտեսական, ներդրումային, փորձի փոխանակման ոլորտներում, այլ նաև քաղաքական դաշտում: Ամերիկյան աջակցության հարցում, սակայն, ըստ խոսնակի, դեռևս առկա են շատ անելիքներ:

«Կարծիքներ կան, որ ԱՄՆ կարող է ավելի շատ աջակցել: Կան նաև կարծիքներ, որ դրա պատճառն է Հայաստանի հեղափոխության ներքաղաքական բնույթը»,- ասել է Միրզոյանը:

Պատասխանելով Լեռանին Ղարաբաղի հակամարտության հետ կապված հարցին՝ ԱԺ նախագահը խնդիրը դիտարկել է մարդու իրավունքների դաշտում՝ կարևորրելով Լեռնային Ղարաբաղի բնակչության ընդգրկումը բանակցային գործընթացում: