Թբիլիսիում փակ դռների հետեւում կայացել է երկու երկրների` Հայաստանի եւ Վրաստանի նախագահների հանդիպումը

PanARMENIAN.Net - Հայաստանի նախագահ Սերժ Սարգսյանն առաջին պաշտոնական այցով ժամանել է Վրաստան: Թբիլիսյան միջազգային օդանավակայանում նրան դիմավորել է Վրաստանի արտգործնախարար Եկատերինա Տկեշելաշվիլին: Թբիլիսի ժամանելուն պես Վրաստանի նախագահի նստավայրում լայն ձեւաչափով կայացել է Վրաստանի եւ Հայաստանի պատվիրակությունների հանդիպումը: Մինչ այդ կայացել է երկու երկրների նախագահների` Միխայիլ Սահակաշվիլիի եւ Սերժ Սարգսյանի հանդիպումը փակ դռների հետեւում:



Երեքշաբթի երեկոյան Վրաստանի եւ Հայաստանի նախագահները հանդես կգան համատեղ ելույթով: Իսկ այսօր կկայանա Սերժ Սարգսյանի հանդիպումը խորհրդարանի նախագահ Դավիթ Բակրաձեի հետ:



Այցի ընթացքում Հայաստանի նախագահը պսակ կդնի հանուն Վրաստանի տարածքային ամբողջականության զոհվածների հիշատակին, հանդիպումներ կունենա Թբիլիսիի պետական համալսարանում, որտեղ Սերժ Սարգսյանին պատվավոր դոկտորի կոչում կշնորհեն: Բացի այդ, Հայաստանի նախագահը կհանդիպի Վրաստանում բնակվող հայկական սփյուռքի հետ:



Հայաստանի եւ Վրաստանի նախագահները ներկա կլինեն քարի հիմնման հանդիսավոր արարողությանը. այդտեղ հետագայում կկանգնեցվի Սայաթ-Նովայի ( Հարություն Սայադյան- 1712-1795)` հայ բանաստեղծ, երաժիշտ, աշուղ, սիրային քնարերգության վարպետի հիշատակին, որը ստեղծագործել է մի քանի լեզուներով` հայերեն, վրացերեն, ադրբեջաներեն եւ ֆարսի, հաղորդում է «Նովոստի-Գրուզիան»: