Մրգաստանում վագոն-տնակում ապրող ընտանիքի համար տուն է կառուցվում25 հուլիսի 2019 - 14:42 AMT PanARMENIAN.Net - Արմավիրի մարզի Մրգաստան գյուղում շինարարական ակտիվ աշխատանքներ են սկսվել: Հիմքից կառուցվում է տուն՝ տարիներ շարունակ 18 քմ մակերեսով վագոն-տնակում ապրող Հասոյանների ընտանիքի համար: Գործընկեր կառույցների՝ ՎիվաՍել-ՄՏՍ-ի և «Հայաստանի Ֆուլեր տնաշինական կենտրոնի» աջակցությամբ մայիսից մեկնարկած աշխատանքներն արդեն տեսանելի արդյունք են տվել. տան պատերը կանգուն են, տանիքը՝ կառուցված: Երեք ամիս առաջ Հասոյանները հուսալ անգամ չէին կարող, որ ամառը, ամեն տարվա պես, անցնելու է ոչ միայն բերք ու բարիք ստեղծելու, այլև իրենց երազանքների տունը կառուցելու հաճելի հոգսերի մեջ: Այսօր արդեն՝ շինհրապարակում աշխատող կամավորների շնորհիվ նաև, լիահույս են, որ սեղմ ժամկետներում տանտեր են դառնալու: Մեծ թափով՝ մայթերի բետոնացում է կատարվում: Ներքին հարդարման աշխատանքներն էլ նախատեսված է ավարտել աշնանը: 18 քմ մակերեսով վագոն-տնակը և 8 տարվա դժվար հիշողությունները շուտով անցյալում կմնան: «Ամուսնուս ծնողների տանն ապրել ենք տասներկու հոգով: Ստիպված էինք տեղափոխվել վագոն տնակ: Շատ դժվար է մեծացող երեխաների հետ ապրել չափազանց փոքր տարածքում. վագոնի միակ սենյակը և ննջարան է, և հյուրասենյակ և խոհանոց ու լոգարան: Հիմա նոր կյանք է սկսվում մեզ համար: Ընտանիքիս բոլոր անդամներն այնքան ոգևորված են: Փորձում ենք հավատալ, որ կառուցվող ու վեր բարձրացող պատերը մեր են լինելու և, որ այս ամենն իրականություն է»,- ասել է Զարինեն: «Իրականացվող ամեն ծրագիր որոշակի հաշվետվություն է պահանջում: Այն սովորաբար արտահայտվում է թվերով: Օրինակ, ասում ենք՝ տարիների ընթացքում, մեզ հաջողվել է 200 տան կառուցման մասին հայտարարել: Ավելի կարևոր է, սակայն, այն հաշվետվությունը, որը մենք մեր հոգու խորքում ենք արձանագրում: Երբ ժպտացող աչքեր ենք տեսնում և զգում, որ դարձյալ մեկին հաջողվեց կյանքի հունի վերադարձնել ու ոգևորել: Մարդասիրության և պատասխանատվության դրսևորումն ամենացանկալի հաշվետվությունն են: Ուրախ և հպարտ եմ՝ տարիների մեր գործընկերության արդյունքի համար»,-ասել ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: «ՎիվաՍել-ՄՏՍ-ի և «Ֆուլեր տնաշինական կենտրոնի» գործակցության արդյունքում կառուցվող 200-րդ տունը բարձրանում է հիմքից: Այդ առումով՝ Հասոյանների տունն ուրույն տեղ ունի. ծրագրի շրջանակներում սա առաջին դեպքն է: Մեզ համար հոբելյանական է կառուցված տների քանակը, իսկ ընտանիքի համար հոբելյանական կլինի տարին»,- ասել է Հայաստանի «Ֆուլեր տնաշինական կենտրոնի» նախագահ Աշոտ Եղիազարյանը: Այս տարի բնակարանաշինության ծրագրի համար ՎիվաՍել-ՄՏՍ-ը հատկացրել է շուրջ 109 մլն դրամ: Դրա արդյունքում, բնակարանային աջակցություն է ստանալու 43 ընտանիք: Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Թունյան․ ԵԱՏՄ անդամ ենք, զուգահեռ ԵՄ և այլ շուկաների ինտեգրման ուղղությամբ ենք աշխատում «Այս պահին ինչ-որ առարկայական, կտրուկ գործողության մասին խոսք չկա»,- ասել է Թունյանը |