Զբոսաշրջային փաթեթների ապահովագրության հարց է դիտարկվում 1 օգոստոսի 2019 - 12:08 AMT PanARMENIAN.Net - ՀՀ կառավարության օգոստոսի 1-ի նիստում էկոնոմիկայի նախարար Տիգրան Խաչատրյանը, անդրադառնալով Եգիպտոսում հանգստացող ՀՀ քաղաքացիների հետ կապված վերջին միջադեպին, հայտնել է, որ գերատեսչությունը դիտարկում է զբոսաշրջային փաթեթների ապահովագրության ներդրման հարցը: Նա նշել է, որ Զբոսաշրջության պետական կոմիտեն և նախարարությունն այժմ ուսումնասիրում են աշխարհում Հայաստանի նման տնտեսությամբ երկրների փորձը՝ հասկանալու, թե ինչիպիսի որոշումներ պետք է կայացվեն։ «Ճիշտը, իմ կարծիքով, տվյալ տուրիստական կազմակերպություններին իրենց ստանձնած քաղաքացիաիրավական պարտավորությունների կատարման առնչությամբ ապահովագրության պահանջի ներկայացումն է»,- ասել է նախարարը և ընգդծել, որ զբոսաշրջային գործակալության կողմից պետք է լինեն երաշխիքներ սեփական պարտավորությունները կատարելու մասով։ Նախարարի խոսքով՝ այդ ապահովագրությունը չպետք է թանկ լինի ՀՀ քաղաքացիների համար, իսկ փոխվարչապետ Տիգրան Ավինյանը առաջարկել է մշակել կոնցեպտ։ «Կարծում եմ՝ խելամիտ սահմաններում այդ գումարը մեր քաղաքացիները պատրաստ կլինեն վճարել և խուսափել հյուրանոցի սպասասրահում սպասելու ռիսկից։ ՀՀ յուրաքանչյուր քաղաքացի պետք է համոզված լինի, որ պետությունը և կառավարությունը իր կողքին է, որտեղ էլ նա լինի։ Հուրգադայի դեպքը խոսում է ինստիտուցիոնալ բացի մասին, որը պետք է լրացնել», - ասել է Ավինյանը։ Ավելի վաղ կառավարությունը գումար է հատկացրել «Էյ ընդ Ար Տուր» գործակալության միջոցով Եգիպտոս հանգստի մեկնած ՀՀ քաղաքացիների վերադարձը կազմակերպելու համար: Տուրօպերատորը, պարզվում է, չի վճարել նրանց հետադարձի թռիչքի գումարները ավիափոխադրողին: Ընկերության դեմ քրեական գործ է հարուցվել: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |