Ֆրանսիական Orange ընկերությունը դարձել է Հայաստանի բջջային կապի երրորդ օպերատորը

7 հոկտեմբերի 2008 - 13:30 AMT

PanARMENIAN.Net - Ֆրանսիական Orange ընկերությունը (France Telecom օպերատորի բրենդը) հաղթել է բջջային կապի ծառայությունների մատուցման եւ ռադիոհաճախականությունների օգտագործման համար լիցենզավորման տենդերում եւ, այդպիսով, դարձել Հայաստանի բջջային կապի երրորդ օպերատորը: Ինչպես հաղորդել է Հայաստանի Տրանսպորտի եւ կապի նախարարության մամլո քարտուղար Սուսաննա Տոնոյանը, Orange ընկերությունը լիցենզավորում ստանալու համար կատարել է ամենախոշոր առաջարկը` 51,5 մլն. եվրո: Մյուս երկու ընկերությունները` շվեյցարական M$A Tele2 AB-ն եւ CEO Blackrock Communication-ը առաջարկել են համապատասխանաբար 45,6 մլն. եվրո եւ 31,66 մլն. եվրո:

Orange ընկերությանը կհատկացվեն բջջային կապի հետեւյալ կոդերը` +374 (0) 55 եւ +374 (0) 95: Եթե գործունեության առաջին տարվա ավարտին օպերատորը օգտագործի հատկացված կոդերը պակաս, քան 60%-ի չափով, ապա Հայաստանի հասարակական ծառայությունների կարգավորման հանձնաժողովը իրավունք ունի հետ վերցնել չօգտագործված համարները: Երրորդ օպերատորին հաճախականություններ են հատկացվելու GSM ստանդարտում, ինչպես նաեւ երրորդ սերնդի (3G) տվյալների եւ ձայնի փոխանցումն ընդգրկող ծառայությունների մատուցման հնարավորություն:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով