Շվեյցարիան շահագրգռված է Հայաստանի հետ համագործակցության եւ հարաբերությունների զարգացման մեջ10 հոկտեմբերի 2008 - 19:26 AMT PanARMENIAN.Net - «Հայաստանն ու Շվեյցարիան շատ նման երկրներ են: Մեր երկու երկրներն էլ փոքր պետություններ են, չունեն ելք դեպի ծով, բազմակողմանի դիվանագիտություն են վարում: Շվեյցարիան շահագրգռված է Հայաստանի հետ համագործակցության եւ հարաբերությունների ամրապնդման մեջ»,- այսօր մամլո-ասուլիսի ընթացքում հայտնել է Շվեյցարիայի Ազգային Ժողովի «Շվեյցարիա-Հայաստան» բարեկամության խորհրդարանական խմբի համանախագահ Դոմենիկ դե Բումանը: Շվեյցարիայի խորհրդարանական անդամի խոսքերով, «Շվեյցարիա-Հայաստան» բարեկամության խորհրդարանական խումբը ստեղծվել է 2004թ., որից հետո Շվեյցարիայի Ազգային Ժողովը պաշտոնապես ճանաչել է 1915թ. Հայոց ցեղասպանությունը:«Մեր երկրների ժողովուրդները շատ ընդհանրություններ ունեն: Մեր խմբի նպատակն է զարգացնել Երեւանի եւ Բեռնի միջեւ քաղաքական երկխոսությունը, ինչպես նաեւ նպաստել տնտեսական եւ մշակութային ոլորտներում երկկողմ հարաբերությունների զարգացմանը»,- նշել է Դոմենիկ դե Բումանը եւ ավելացրել, որ այդ առումով մեծ դեր է խաղալու Հայաստանում Շվեյցարիայի դիվանագիտական ներկայացուցչության հիմնադրումը: Նա նաեւ ընդգծել է, որ Երեւանում անցկացված հանդիպումների ընթացքում միտք հղացավ` ստեղծելու հայ-շվեյցարական առեւտրական վրան, որը կնպաստի երկկողմ տնտեսական կապերի զարգացմանը: «Հայաստանում կան ոլորտներ, որոնք կարող են հետաքրքրել շվեյցարացի ներդնողներին, մասնավորապես, դրանք տուրիզմի, առողջապահության եւ բնապահպանության ոլորտներն են»,- նկատել է Դոմենիկ դե Բումանը: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում Պարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |