Օրհան Փամուկ. Թուրքական պետությունը շարունակում է սահմանափակել խոսքի ազատությունը
Թուրք գրող, 2006թ. Նոբելյան մրցանակի դափնեկիր Օրհան Փամուկը նախօրեին Ֆրանկֆուրտում գրքերի տոնավաճառի ժամանակ մեղադրել է Թուրքիայի կառավարությանը խոսքի ազատությունը խախտելու մեջ: Ինչպես PanARMENIAN.Net-ին է հաղորդել անկախ ֆրանսիացի լրագրող Ժան Էքիյանը, տոնավաճառի կազմակերպմանը աջակցել է նաեւ Թուրքիայի նախագահ Աբդուլլահ Գյուլը:
«Թուրքական պետությունը շարունակում է սահմանափակել խոսքի ազատությունը, շարունակում է պատժել գրողներին ու գրքեր է արգելում»,-նշել է Օրհան Փամուկը` հավելելով, որ «գրաքննությունը գործում է Թուրքիայում ՔՕ 301-րդ հոդվածի հիման վրա, որով փորձում են ահաբեկել գրողներին, հարյուրավոր գրողներ ու լրագրողներ կանգնել են թուրքական դատարանի առջեւ եւ դատապարտվել են այս հոդվածով»: «Ոմանք նաեւ սպանվել են»,-ընդգծել է նա: Օրհան Փամուկը տեղեկացրել է նաեւ, որ Թուրքիայում քաղաքական պատճառներով արգելափակվել է մուտքը Youtube եւ մի շարք այլ թուրքական եւ օտարերկրյա կայքեր: Սակայն, հավելել է նա, «շատ հեղինակներ եւ խմբագրեր թույլ չեն տալիս իրենց ահաբեկել»:
«Օրհան Փամուկի խոսքի ավարտից հետո, տոնավաճառին ներկա Աբդուլլահ Գյուլը, չնայած գրողի կտրուկ հայտարարություններին, ծափահարում էր նրան», հաղորդել է Ժան Էքիյանը:
Օրհան Փամուկը 2005թ. կանչվել է քրեական պատասխանատվության 301-րդ հոդվածով շվեյցարական թերթին տված հարցազրույցում Հայոց ցեղասպանության հիշատակման համար:
«Թուրքական պետությունը շարունակում է սահմանափակել խոսքի ազատությունը, շարունակում է պատժել գրողներին ու գրքեր է արգելում»,-նշել է Օրհան Փամուկը` հավելելով, որ «գրաքննությունը գործում է Թուրքիայում ՔՕ 301-րդ հոդվածի հիման վրա, որով փորձում են ահաբեկել գրողներին, հարյուրավոր գրողներ ու լրագրողներ կանգնել են թուրքական դատարանի առջեւ եւ դատապարտվել են այս հոդվածով»: «Ոմանք նաեւ սպանվել են»,-ընդգծել է նա: Օրհան Փամուկը տեղեկացրել է նաեւ, որ Թուրքիայում քաղաքական պատճառներով արգելափակվել է մուտքը Youtube եւ մի շարք այլ թուրքական եւ օտարերկրյա կայքեր: Սակայն, հավելել է նա, «շատ հեղինակներ եւ խմբագրեր թույլ չեն տալիս իրենց ահաբեկել»:
«Օրհան Փամուկի խոսքի ավարտից հետո, տոնավաճառին ներկա Աբդուլլահ Գյուլը, չնայած գրողի կտրուկ հայտարարություններին, ծափահարում էր նրան», հաղորդել է Ժան Էքիյանը:
Օրհան Փամուկը 2005թ. կանչվել է քրեական պատասխանատվության 301-րդ հոդվածով շվեյցարական թերթին տված հարցազրույցում Հայոց ցեղասպանության հիշատակման համար:
