«Սանիթեքի» հետ պայմանագրերում կեղծ տեղեկությունների պատճառով Երևանը 5,3 մլրդ դրամի վնաս է կրել. Քրգործ կա

27 սեպտեմբերի 2019 - 12:35 AMT

PanARMENIAN.Net - ՀՀ գլխավոր դատախազության պետական շահերի պաշտպանության վարչությունում հարուցվել է քրգործ՝ Երևանի քաղաքապետարանի և «Սանիթեքի» միջև կնքված պայմանագրերի աթռիվ: Նախաքննությունը հանձնարարվել է ՀՀ քննչական կոմիտեին,հայտնում են դատախազության մամուլի ծառայությունից:

Այսպիսով՝ Երևանի քաղաքապետարանի պաշտոնատար անձանց կողմից փաստաթղթերում ակնհայտ կեղծ տեղեկություններ կամ գրառումներ մտցնելու, բանկային երաշխիքի բացակայությամբ համաձայնագրեր կնքելու, պաշտոնեական դիրքը ծառայության շահերին հակառակ օգտագործելու կամ ծառայողական պարտականությունները չկատարելու արդյունքում համայնքին պատճառվել է մոտ 5,313,721,900 դրամի վնաս:

Հաղորդագրությունում նշվում է, որ քաղաքապետարանի պաշտոնատար անձինք 2013թ. և 2015թ. փաստաթղթերում ակնհայտ կեղծ տեղեկություններ են մտցրել «Սանիթեք Ինթերնեշնլ» ՍՊԸ-ի և «Սանիթեք SARL» ընկերությունների կողմից մասնագիտական փորձառություն, անհրաժեշտ տեխնիկական միջոցներ, ֆինանսական միջոցներ և աշխատանքային ռեսուրսներ ունենալը հավաստող ապացույցների առկայության վերաբերյալ՝ հրավերով առաջադրվող որակավորման չափանիշներին ընկերությունների հայտի համապատասխանությունը գնահատելով բավարար:

«Սանիթեք» ընկերությունն օգոստոսին տուգանվել էր՝ ծառայությունները պայմանագրին համապատասխան և պատշաճ չիրականացնելու պատճառով: Սեպտեմբերի սկզբին ընկերությունն, առանց քաղաքապետարանին գրավոր ծանուցելու, հրաժարվել էր կատարել Երևանի աղբահանության իր պարտականությունը:

«Սանիթեքի» աշխատակիցները պարբերաբար բողոքի ցույցեր են իրականացնում՝ պահանջելով հասանելիք աշխատավարձը, սակայն ընկերությունից պնդել էին, որ աշխատավարձերի վճարումը կապված է քաղաքապետարանի՝ ֆինանսական պարտավորությունները չկատարելու հետ:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով