«Սեքյուրիթի Դրիմի» համահիմնադիրը կալանավորվել է

PanARMENIAN.Net - Հետախուզման մեջ գտնմող «Սեքյուրիթի Դրիմ» և «Էլլիպս Ջի Էյ» ՍՊ ընկերությունների հիմնադիրներից մեկը և «Սեքյուրիթի Դրիմ» ՍՊ ընկերության նախկին տնօրենը հոկտեմբերի 1-ին ներկայացել են վարույթն իրականացնող մարմնին և կալանավորվել:

Ինչպես հայտնում է Քննչական կոմիտեն, նրանց մեղադրանք է առաջադրվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով:

Ըստ Քննչականի, 2017թ. ընթացքում նշված ընկերությունների աշխատակիցների կողմից կազմվել են փաստացի չիրականացված և չմատուցված ծառայությունների վերաբերյալ կեղծ կատարողական ակտեր։ Դրանք ուղարկվել են ՃՈ, ինչկ հետևանքով հափշտակվել է մոտ 1 մլրդ դրամ։

Գործով հինգ անձ ունի մեղադրյալի դատավարական կարգավիճակ: Նրանցից մեկի նկատմամբ, ով հանդիսանում է ընկերությունների համահիմնադիրը, որպես խափանման միջոց է ընտրվել կալանավորումը, իսկ ընկերությունների երկու հաշվապահների նկատմամբ դատարանը թույլատրելի է համարել այլընտրանքային խափանման միջոց գրավի կիրառումը: «Փաստինֆոն» հայտնում է, որ գործով կալանավորվածներն են Գուրգեն Զաքարյանը և ընկերության նախկին տնօրեն Կարեն Կարապետյանը։

Սեպտեմբերի 13-ից լույս 14-ի գիշերն ընկերության համասեփականատեր Ալեքսան Զաքարյանը գրավով ազատ էր արձակվել։