Քարդաշյան. Նպատակս է, որ երեխաներս բարի ու խելամիտ լինեն 8 հոկտեմբերի 2019 - 14:01 AMT PanARMENIAN.Net - Ամերիկահայ հեռուստաաստղ Քիմ Քարդաշյանը,WCIT կոնֆերանսի ժամանակ պատասխանելով երեխաների մասին PanARMENIAN.Net ի թղթակցի հարցին, ասել է, որ իր նպատակն է, որ երեխաները բարի և խելամիտ լինեն, ինչը մինչ այս պահը ստացվել է: Հարցը հետևյալն էր.«Դուք հասուն տարիքում եք հայտնի դարձել ու հասարակության ուշադրության կենտրոնում հայտնվել, իսկ ձեր երեխաները փոքր տարիքից ձեր լույսի տակ են մեծանում, մշտապես թիկնապահների հսկողության տակ են։ Չե՞ք անհանգստանում, որ այդկերպ իրենք կարող են որոշ ժամանակ անց ավելի անպատրաստ ու խոցելի լինել մեծ աշխարհի առջև, քան դուք էիք»: Քարդաշյանը, պատասխանելով հարցին, հավելել է, որ իր կարծիքով, շատ զարմիկներ ունենալով, երեխաները նորմալ են մեծանում: «Ինձ միանշանակ դուր է գալիս, որ ես մեծացել եմ և կյանքիս մեծ մասը նորմալ եղել՝ հեռու փառքի ազդեցությունից: Այնուամենայնիվ, ես հպարտ եմ նրանով, թե ինչպես եմ մեծացնում երեխաներիս: Ես ունեի ընկերներ, ովքեր շրջապատված էին անվտանգության աշխատակիցներով ու շատ հայտնի ու հարուստ ծնողներով: Բայց նրանք հիանալի են մեծացել, և դա հույս է ներշնչում: Կարծում եմ՝ շատ զարմիկներ ունենալով՝ երեխաներս նորմալ են մեծանում: Իմ նպատակն է, որ նրանք բարի և խելամիտ լինեն, ինչը, մինչ այս պահը, ստացվել է, և ես շատ հպարտ եմ: Նրանք համեստ են, նորմալ, չնայած դեռ ամեն ինչ չէ, որ հասկանում են, ու ես պատրաստ եմ ավելի մեծ ջանքեր ներդնել: Ես և քույրերս նույն կերպ ենք զգում, մենք գիտենք, որ ճանապարհը դժվար է լինելու, բայց նաև սիրում ենք միասին մեծացնել մեր երեխաներին: Դուք կզարմանաք, թե ինչքան խելամիտ, խելառ ու նորմալ են նրանք»,- ասել է Քիմ Քարդաշյանը: Սա Քարդաշյանի երկրորդ այցն է Հայաստան: Առաջին անգամ նա ժամանել էր Հայոց ցեղասպանության 100-րդ տարելիցի նախաշեմին: Այս անգամ Քարդաշյանը Երևանում է՝ մասնակցելու WCIT 2019-ը համաժողովին: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |