Մահացել է տիեզերագնաց Ալեքսեյ Լեոնովը

Մահացել է տիեզերագնաց Ալեքսեյ Լեոնովը

PanARMENIAN.Net - 86 տարեկանում մահացել է խորհրդային ժամանակաշրջանի տիեզերագնաց Ալեքսեյ Լեոնովը, հայտում է ՌԻԱ Նովոստին:

Լեոնովն առաջին մարդն էր, որը դուրս եկավ բաց տիեզերք: Այդ իրադարձությունը տեղի է ունեցել 1965թ. մարտի 18-19-ին, երբ նա որպես երկրորդ օդաչու մասնակցում էր «Վոսխոդ-2» տիեզերանավի գիտարշավին: Նա բաց տիեզերքում է մնացել 12 րոպե:

1968 թ. Լեոնովոն ընտրվել էր «Սոյուզ» նախագծին մասնակցելու համար. վերջինիս նպատակն էր առաջին անգամ Լուսնի շուրջը պտույտ գործելը։ Սակայն փորձնական ծրագրերը ձախողվեցին և 1968 թ. դեկտեմբերին ամերիկացիներին հաջողվեց է «Ապոլո 8» տիեզերանավով առաջինը հասնել Լուսին։

Երկրորդ և վերջին թռիչքը Լեոնովը կատարել է «Սոյուզ 19»-ով՝ «Ապոլո-Սոյուզ փորձնական թռիչք» նախագծի շրջանակում։ 1975 թ. հուլիսի 15-ին տիեզերք է դուրս եկել «Սոյուզ 19»-ը և միացել ամերիկյան «Ապոլո» կապսուլին։ Սա երկու տարբեր պետությունների տիեզերակայանների առաջին համակցումն էր։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան