Արմեն Սարգսյան. Լոռին հայրենաճանաչության հրաշալի դասագիրք է 26 հոկտեմբերի 2019 - 12:00 AMT PanARMENIAN.Net - ՀՀ նախագահ Արմեն Սարգսյանը շնորհավորել է վանաձորցիներին,Վանաձորի հյուրերին ու Վանաձորին սիրահարվածներին քաղաքի օրվա առթիվ: «Լոռին հայրենաճանաչության հրաշալի դասագիրք է, իսկ Վանաձորը՝ նրա ամենաբովանդակալից ու գեղեցիկ էջերից մեկը: Սակայն ամենամեծ հարստությունը, համն ու հոտը մարդիկ են՝ լոռեցու խորը պարզությամբ ու պարզ խորությամբ, բնության հետ միաձուլված և բնության հետ համահունչ: Ես դա գիտեմ անձամբ, որովհետև դեռ մանկության տարիներից եմ առնչվել Լոռվա ձորի, Գուգարաց կախարդական աշխարհի հետ, Մեծն լոռեցու պատկերած աշխարհի հետ՝ «մոտիկ աստծուն, աստղերին, լուսնին, երկնային շնորհքներին ու գաղտնիքներին»: Լավագույն հիշողություններս ինձ հետ են մինչ այսօր: Սիրելի՛ վանաձորցիներ, Ամեն մեկդ յուրովի, բայց ամուր կապված եք ձեր քաղաքին: Քաղաք, որը մեկիդ համար ծննդավայր է, մյուսի համար՝ հարազատ օջախ, երրորդի համար՝ երկուսը միասին, չորրորդի համար՝ հյուրընկալ անկյուն, հինգերորդի համար՝ հանգստյան վայր… Այսպես երկար կարելի է շարունակել, որովհետև Վանաձորը շատ արժանիքներ ունի: Ձեզնից յուրաքանչյուրը նրա յուրօրինակ շարունակությունն է, նրա արտացոլանքը, նրա շունչն ու հարստությունը: Հարստացեք Վանաձորով ու հարստացրեք Վանաձորը ձեզնով՝ մտահղացումներով, գաղափարներով, առաջին պահից անիրականալի թվացող երազանքներով, որոնք ձեր շնորհիվ շատ շուտ կարող են դառնալ տեսանելի, զարգացնել հայրենի քաղաքը, հայրենիքը: Շնորհավորում եմ բոլորիդ: Տոնդ շնորհավոր, Վանաձո՛ր»,-ասվում է նախագահի ուղերձում:   Ուշագրավ «Ձայնային հաղորդագրություն եմ ուղարկել ԱԱԾ տնօրենի բջջային հեռախոսահամարին, որից հետո Աբազյանը զանգահարել է»,-գրել է նա Ժամը 15:00-ի դրությամբ իրադրությունն առաջնագծում հարաբերականորեն կայուն է Նշվում է, որ նման դրսևորումները դեմ են բոլոր միջազգային հումանիտար օրենքներին Ուղիղ չվերթերն իրականացվելու են շաբաթական 2 անգամ   Ամենաընթերցվողը բաժնում |  Վերջին լուրեր Սլովենիայի ԱԺ նախագահը՝ Սիմոնյանին․ Ադրբեջանական ագրեսիան խանգարում է կառուցողական երկխոսությանը  Նա նշել է, որ Սլովենիան կարող է Հայաստանի համար կամուրջ դառնալ դեպի Կենտրոնական և Արևմտյան ԵվրոպաԱրցախի ՄԻՊ. Միշելի հայտարարությունը խիստ հիասթափեցնող է Նա նշել է, որ Արցախի ժողովրդի կամքն ու շահերն անտեսելը չի նպաստում ԵՄ-ի նախաձեռնությամբ ընթացող խաղաղ բանակցություններինՀՀ-ն և Սլովենիան կարևորում են վիզաների ազատականացման երկխոսության մեկնարկը Երկու երկրների ԱԺ նախագահները խոսել են նաև Ադրբեջանի կողմից Լաչինի միջանցքի ապօրինի շրջափակման մասինԱրամ Ա-ն Երուսաղեմի Հայոց պատրիարքի հետ քննարկել է «Կովերի պարտեզ» կոչվող տարածքի շուրջ խնդիրները «Կովերի պարտեզ» տարածքը 2021-ին 99 տարով վարձակալության էր տրվել հրեա գործարարի ընկերությանը |
