ԱՀՀ-ն ողջունում է Ղարաբաղի վերաբերյալ հռչակագրի ընդունումը Հայաստանի, Ռուսաստանի եւ Ադրբեջանի նախագահների կողմից 3 նոյեմբերի 2008 - 15:45 AMT PanARMENIAN.Net - Ամերիկայի հայկական համագումարը (ԱՀՀ) ողջունում է Ղարաբաղյան հակամարտության կարգավորման վերաբերյալ հռչակագրի ընդունումը Հայաստանի, Ռուսաստանի եւ Ադրբեջանի նախագահների կողմից, հայտարարել է ԱՀՀ Հոգաբարձուների խորհրդի նախագահ Հրայր Հովնանյանը: «ԱՀՀ-ն միշտ համարել է, որ անկախ կարգավորման վերջնական արդյունքից, այն պետք է ընդունելի լինի Լեռնային Ղարաբաղի եւ Հայաստանի ժողովրդի համար»,-ասել է Հովնանյանը: ԱՀՀ-ն նաեւ կոչ է արել ԱՄՆ-ին սատարել Լեռնային Ղարաբաղի ժողովրդի հիմնարար իրավունքներին եւ խաղաղ ապրելու նրա ձգտմանը, ինչն ամրագրված է ԱՄՆ Սենատի 178-րդ բանաձեւում, որը ներառում է Ազատության ակտի 907-րդ ուղղումը, որով արգելվում է պետական օգնություն հատկացնել Ադրբեջանին որպես ագրեսոր պետության: 178-րդ բանաձեւը նաեւ ենթադրում է հումանիտար օգնության հատկացում Արցախի ժողովրդին: ԱՀՀ հայտարարության մեջ ասվում է նաեւ ադրբեջանցի զինվորականների կողմից Նոր Ջուղայի հայկական գերեզմանոցի ոչնչացման մասին: Նոյեմբերի 2-ին Մոսկվայում կայացած հանդիպմանը Ռուսաստանի, Հայաստանի ու Ադրբեջանի նախագահներ Դմիտրի Մեդվեդեւը, Սերժ Սարգսյանն ու Իլհամ Ալիեւը պայմանավորվել են համատեղ աշխատել Կովկասում իրավիճակի առողջացման ուղղությամբ, ինչպես նաեւ հանձնարարել են ԱԳՆ ղեկավարներին շարունակել ղարաբաղյան հակամարտության կարգավորմանն ուղղված աշխատանքը: Հանդիպման արդյունքում հռչակագիր է ստորագրվել, որտեղ ընդգծվում է Հարավային Կովկասում իրավիճակի առողջացմանը նպաստելու անհրաժեշտությունը եւ տարածաշրջանում կայունության եւ անվտանգության ապահովման ճանապարհով հակամարտության քաղաքական կարգավորումը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |