 ՀՀ ծանրամարտի թիմը 11 մեդալ է նվաճել Մ-20 և Մ-23 ԵԱ-ում 28 հոկտեմբերի 2019 - 15:20 AMT PanARMENIAN.Net - Ռումինիայի մայրաքաղաք Բուխարեստում հոկտեմբերի 17-27-ը տեղի ունեցած ծանրամարտի Մ-20 և Մ-23 տարեկանների Եվրոպայի առաջնությունում Հայաստանի թիմը ելույթն ավարտել է երկամարտի 11 մեդալով: Մինչև 20 տարեկանների պայքարում Լիանա Գյուրջյանը (81 կգ), Կարեն Ավագյանը (89 կգ), Արփինե Դալալյանը (+87 կգ) և Վարազդատ Լալայանը (+109 կգ) նվաճել են չեմպիոնի կոչումը, Արա Աղանյանը (89 կգ) դարձել են փոխչեմպիոն, իսկ Ռաֆիկ Հարությունյանն (81 կգ) արժանացել է բրոնզե մեդալի, հայտնում է ՀԱՕԿ լրատվականը: Մոնթե Մխիթարյանը (55 կգ) պոկում վարժությունում նվաճել էր փոքր ոսկե մեդալ, իսկ երկամարտում գրավել 5-րդ տեղը: Երկամարտում 4-րդ տեղը գրաված Կարեն Մարգարյանը (81 կգ) և Յաշա Մինասյանը (102 կգ) նվաճել են փոքր բրոնզե մեդալներ: Մարգարյանը երրորդ տեղն է գրավել պոկում վարժությունում, իսկ Մինասյանը՝ հրումում: Մինչև 23 տարեկանների առաջնությունում Եվրոպայի չեմպիոն են դարձել Հակոբ Մկրտչյանը (89 կգ), Սամվել Գասպարյանը (102 կգ) և Սիմոն Մարտիրոսյանը (+109 կգ): Տաթև Հակոբյանը (87 կգ) նվաճել է արծաթե մեդալ, իսկ Դավիթ Հովհաննիսյանն (89կգ) արժանացել է բրոնզե մեդալի: Հայաստանի թիմի կազմում մրցավայր էր մեկնել 21 ծանրորդ:   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
