The Financial Times. Ադրբեջանի եւ Հայաստանի հարաբերությունների սառույցը սկսում է հալել 4 նոյեմբերի 2008 - 15:10 AMT PanARMENIAN.Net - «Ադրբեջանի եւ Հայաստանի հարաբերությունների սառույցը սկսում է հալել. երկու երկրների նախագահները խոստացել են Լեռնային Ղարաբաղի խռովահույզ հանրապետության` ահա արդեն 15 տարի շարունակվող հակամարտությանը քաղաքական լուծում գտնել: Ադրբեջանի նախագահ Իլհամ Ալիեւը եւ նրա գործընկերը` Հայաստանի նախագահ Սերժ Սարգսյանը բանակցություններ են անցկացրել Ռուսաստանի նախագահ Դմիտրի Մեդվեդեւի կազմակերպած հանդիպման ընթացքում: Երեքն էլ այնուհետեւ ստորագրել են մի հռչակագիր, որում ասվում էր այդ հիմնախնդիրը դիվանագիտական ճանապարհով լուծելու փորձերի ակտիվացման եւ տարածաշրջանում կայունություն երաշխավորելու մասին»,- գրում է The Financial Times-ը: Ինչպես նշվում է հրապարակման մեջ, Ռուսաստանի եւ Վրաստանի միջեւ օգոստոսյան պատերազմը լրացուցիչ խթան հանդիսացավ Լեռնային Ղարաբաղի վերաբերյալ հարցը դիվանագիտական ճանապարհով լուծելու համար: «Հայաստանն իր հերթին պատրաստ է դիտարկել Լեռնային Ղարաբաղին հարող` պատերազմի ժամանակ գրավված որոշ շրջանները հանձնելու հնարավորությունը, բայց պնդում է այն բանի վրա, որ Լեռնային Ղարաբաղի ինքնուրույնությունը չպետք է անգամ քննարկվի: Միեւնույն ժամանակ շատերը` ինչպես խռովահույզ հանրապետությունում, այնպես էլ Երեւանում, վախենում են վերջին տարիներին Բաքվի ռազմական ծախսերի կտրուկ աճից, հատկապես հաշտության պայմանագրի բացակայության պայմաններում»,- գրում է The Financial Times-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |