Տոնոյան. ՀՀ-ն Սու-30ՍՄ-ները կգնի 2020-ի սկզբին

Տոնոյան. ՀՀ-ն Սու-30ՍՄ-ները կգնի 2020-ի սկզբին

PanARMENIAN.Net - Հայաստանը ՌԴ հետ պայմանագրով նախատեսված 4 Սու-30ՍՄ կործանիչ ձեռք կբերի 2020 թվականի հունվար-փետրվար ամիսներին: Այդ մասին ԱԺ-ում լրագրողներին է հայտնել ՀՀ պաշտպանության նախարար Դավիթ Տոնոյանը:

Նախարարի խոսքով՝ ՀՀ զինված ուժերը համալրվում են նոր և արդիական զինատեսակներով, հայտնում է Aysor.am-ը:

«Այսօր ՀՀ Զինված ուժերը մեծամասամբ նոր արդիականացված զինատեսակներ են ձեռք բերում: 2019-ին, ինչպես նաև 2020-ին և պայմանագրային, և վարկային ծրագրերի միջոցով ձեռք են բերվելու միայն նոր և արդիական կարողություններ տարբեր երկրներից: Մտքում 4 երկիր պահեք», - ասել է նախարարը:

Տոնոյանը նաև նշել է, որ արդիականացվում է 102-րդ ռազմակայանը, ինչպես սպառազինության, այնպես էլ նյութատեխնիական ապահոման տեսանկյունից: «Հողատարածքի և զինծառայողների թվի ավելացում չի սպասվում», - ասել է նախարարը:

 Ուշագրավ
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
Փետրվարի 6–ի ցերեկը մայրաքաղաքում սպասվում է +11, իսկ փետրվարի 7–ին՝ +13 աստիճան
---