Ազգային ժողովի նախագահին Անվտանգության խորհրդի նիստերին օրենքի ուժով մասնակցելու իրավունք տվող առաջարկը չի ընդունվել: Օրինագիծը, որ ներկայացրել էր Իմ քայլը» խմբակցության պատգամավոր Աննա Կարապետյանը, առաջին ընթերցմամբ չի ընդունվել:
Պատգամավորն առաջարկել էր համապատասխան փոփոխություններ և լրացում կատարել «Ազգային ժողովի կանոնակարգ» սահմանադրական օրենքում և «Անվտանգության խորհրդի կազմավորման և գործունեության մասին» օրենքում:
Կողմ է քվեարկել 66 պատգամավոր, դեմ՝ 14-ը, ձեռնպահ՝ 20-ը։ ԼՀԿ-ն դեմ է քվեարկել, իսկ ԲՀԿ-ն՝ ձեռնպահ:
Քանի որ լրացում պետք է կատարվեր նաև սահմանադրական օրենքում, նախագծերի փաթեթը ընդունելու համար հարկավոր էր պատգամավորների ընդհանուր թվի ձայների առնվազն 3/5-րդը։