Շերը՝ Թրամփին. ԻՊ-ն սպանեց հայ հոգևորականին՝ «Ձեր ընկեր Էրդողանը, երևի, հիացած է»

Շերը՝ Թրամփին. ԻՊ-ն սպանեց հայ հոգևորականին՝ «Ձեր ընկեր Էրդողանը, երևի, հիացած է»

PanARMENIAN.Net - Հայտնի ամերիկահայ երգչուհի և դերասանուհի Շերը (Շերիլին Սարգսյան) անդրադարձել է Սիրիայում հայ հոգևորականի և նրա հոր սպանությանը՝ Սիրիայում կատարվող իրադարձությունների համար մեղադրելով Թուրքիայի և ԱՄՆ նախագահներին: Այդ մասին Շերը գրել է Twitter-ի իր միկրոբլոգում՝ դիմելով ԱՄՆ նախագահ Դոնալդ Թրամփին:

«Ձեր «լավագույն ընկեր Էրդողանը», հավանաբար, հիացած է՝ ԻՊ-ն սպանել է հայ հոգևորականին և նրա հորը: Մի՞թե ծախվել եք Էրդողանին»,-գրել է Շերը Twitter-ի իր միկրոբլոգում:

Շերը նաև գրել է, որ եթե «Իսլամական պետությունը» վերադառնա, ապա Թրամփի և Էրդողանի մեղքով: «Դուք օգնեցիք Էրդողանին հաշվեհարդար տեսնել քրդերի հետ, և նրանք ձեզ չեն օգնի: Մարդիկ կտառապեն և կզոհվեն»,-գրել է նա:

Նոյեմբերի 11-ին Սիրիայում ահաբեկիչները Դեր Զորի ճանապարհին կրակ են բացել Ղամիշլիի Հայ կաթողիկե համայնքի հովվապետ Տեր Հովսեփ քահանա Պետոյանին և նրա հորը` քահանա Տեր Աբրահամ Պետոյանի ուղղությամբ: Հոգևորականներն այնտեղ էին ուղևորվում պարզելու համար կաթողիկե եկեղեցու վիճակը:

Տեր Հովսեփ քահանա Պետոյանի ու նրա հոր սպանության պատասխանատվությունը ստանձնել է «Իսլամական պետություն» ահաբեկչական խմբավորումը:

Հղումներ թեմայով.
 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---