ԵԱՀԿ դիտորդները խոստովանել են, որ Վրաստանն առաջինն է սկսել պատերազմը Հարավային Օսեթիայում10 նոյեմբերի 2008 - 15:30 AMT PanARMENIAN.Net - Մեծ Բրիտանիայի ցամաքային զորքերի նախկին կապիտան Ռայան Գրիսթը եւ բրիտանական ՌՕՈՒ-ի էսկադրիլյաի նախկին հրամանատար Սթիվեն Յանգը պնդում են, որ մինչեւ Ռուսաստանն իր կողմից կրակ կբացեր, վրացական հրետանին 15-20 վայրկյան պարբերությամբ գնադկոծում էր Հարավային Օսեթիայի քաղաքացիական շրջանները: Ինչպես ակնկալվում է, պաշտոնաթող բրիտանացի զինվորականները, որոնք բարձր պաշտոններ էին զբաղեցնում ԵԱՀԿ դիտորդական առաքելությունում ռուս-վրացական ամառային առճակատման ժամանակ, վկայություններ կտան վրացական հակամարտության հետաքննության գծով հանձնաժողովին, որի ստեղծման մասին այսօր պետք է հայտարարի Ֆրանսիայի արտգործնախարար Բերնար Քուշները Բրյուսելում կայանալիք ԵՄ երկրների ԱԳ ղեկավարների հանդիպմանը, գրում է The Sunday Times-ը: Պատերազմը սկսվելու պահին Ռայան Գրիսթը գլխավորում էր քաղաքացիական դիտորդների առաքելությունը, որոնք «մարտական գործողությունների պատճառով հայտնվեցին ծուղակում»: Իր դիտարկումներն ու իրադարձությունների գնահատականը նա հաղորդել է ԵՄ դիվանագետներին Թբիլիսիում, իսկ հակամարտության ավարտից հետո թողել է զբաղեցրած պաշտոնը: Հոկտեմբերին Սթիվեն Յանգը, զրուցելով ռազմական կցորդների հետ, հաստատել է Գրիսթի վարկածը: «Ինձ համար պարզ էր, որ հարձակումը Վրաստանի կողմից բացարձակապես անկանոն էր եւ անհամաչափ որեւէ սադրանքի` եթե սադրանք է եղել: Ըստ իս, միանգամայն պարզ է, որ հարձակումը անկանոն հարձակում է եղել քաղաքի վրա»,-The Sunday Times-ը մեջբերում է Գրիսթի հարցազրույցը, տված The New York Times-ին: «Եթե եղել է շրջանների ուժգին գնդակոծում, որոնք, ինչպես պնդում էր Վրաստանը, հայտնվեցին կրակի տակ, մեր մարդիկ պայթյուններ կլսեին, իսկ նրանք չէին լսել: Նրանք լսել են միայն առանձին կրակոցներ հրաձգային զենքից»,-Յանգի խոսքերն է հաղորդում բրիտանական պարբերականը: The Sunday Times-ը նշում է, որ վերջերս Եվրամիությունում նկատվում է Ռուսաստանի հանդեպ վերաբերմունքի որոշ մեղմացում, ինչը միաժամանակ զուգորդվում է օգոստոսյան ճգնաժամի վերաբերյալ վրաց-ամերիկյան դիրքորոշման թուլացմամբ: Նոյեմբերին պետք է վերսկսվեն հակամարտության կապակցությամբ սառեցված` Ռուսաստանի եւ ԵՄ-ի միջեւ գործընկերության եւ համագործակցության նոր պայմանագրի մասին բանակցությունները, հիշեցնում է թերթը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |