Սուրեն Թովմասյանը նշանակվել է Կադաստրի կոմիտեի ղեկավար 5 դեկտեմբերի 2019 - 13:02 AMT PanARMENIAN.Net - Ճարտարապետության և շինարարության Հայաստանի ազգային համալսարանի դասախոս և գեոդեզիայի ամբիոնի վարիչ Սուրեն Թովմասյանը նշանակվել է Կադաստրի կոմիտեի ղեկավար: Այս մասին դեկտեմբերի 5-ին որոշվել է ՀՀ կառավարության նիստում: Թովմասյանը նշել է, որ մասնագիտական գործունեության երկարամյա փորձ ունի ոլորտում: «Վստահեցնում եմ բոլորին, որ ՀՀ քաղաքացիները կարճ ժամանակում կտեսնեն մեծ, շոշափելի փոփոխություններ կադաստրին վերաբերվող ոլորտում»,- ասել է Թովմասյանը: Վարչապետ Նիկոլ Փաշինյանը նշել է, որ Սուրեն Թովմասյանի թեկնածությունն առաջադրվել է «Կադրային բանկ»-ի միջոցով: «Խոսքը վերաբերում է այն նախաձեռնությանը, երբ ես մի քանի ամիս առաջ առաջարկել էի քաղաքացիներին, ովքեր ունեն ներուժ պետական կառավարման համակարգում իրենց ներդրումը բերելու, որոշակի էլեկտրոնային փոստ կար, ու մարդիկ իրենց տվյալներն էին ուղարկում: Այս ընթացքում բավականաչափ նշանակումներ այդ մեխանիզմով արվել են»,- ասել է Փաշինյանը: Կադաստրի կոմիտեի նախկին ղեկավար Սարհատ Պետրոսյանը հրաժարական էր տվել հոկտեմբերի 18-ին՝ հայտնելով, որ իր հրաժարականն ունի միայն մասնագիտական պատճառներ՝ տարվող ոլորտային քաղաքականությամբ պայմանավորված: Պետրոսյանը նաև հայտարարել էր, որ այլևս չի կարող հանդուրժել դիլետանտիզմն ու կոռումպացվածության հասնող թայֆայականությունը:   Ուշագրավ Նալբանդյանն ավելի վաղ համաձայնել էր տեսակապով զրուցելուն Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին «Իմ քայլը» խմբակցության ղեկավարն իրենց անունից ներողություն է խնդրել միջադեպի համար Քրեադատավարական գործընթացն արդեն սկսվել է, նախապատրասվում են նյութեր   Ամենաընթերցվողը բաժնում |  Վերջին լուրեր Ծառուկյան․ Շատ ռեալ է բյուջեի մուտքերի թերակատարումը՝ դա կարող է անդրադառնալ աշխատավարձերի և թոշակների վրա  «Եթե մենք տապալենք աշնանացանը, ուտելու բան մեր երկրում չի լինելու»,-ասվում է հայտարարության մեջԸնկերական հանդիպում` Հայաստանի և Քուվեյթի ֆուտբոլի ազգային հավաքականների մասնակցությամբ Խաղը կայանալու է նոյեմբերի 11-ին ԵրևանումTI ղեկավար․ «Ֆիրդուսի» թաղամասի օտարման գործում կոռուպցիոն ռիսկեր կան «Թրանսփարենսի ինթերնեշնլ» ՀԿ-ն հանցագործության մասին հաղորդում է ներկայացրել իրավապահ մարմիններին։Կիբերհանցագործությունների թիվը Հայաստանում կրկնապատկվել է Աճը քննիչը բացատրել է քաղաքացիների կողմից իրավապահներին ավելի հաճախ դիմելու փաստով |
