Կաշառքի համար ձերբակալված փոխնախարարը ևս պարգևատրում էր ստացել 5 դեկտեմբերի 2019 - 17:08 AMT PanARMENIAN.Net - Կրթության, գիտության, սպորտի և մշակույթի նախարար Արայիկ Հարությունյանը լրագրողների հետ զրույցում անդրադարձել է փոխնախարար Գևորգ Լոռեցյանի՝ կոռուպցիոն հավանական գործարքի մեջ ներքաշված լինելու մասին լուրին: Նախարարի խոսքով` ինքը տիրապետում է այն տեղեկությանը, որը տարածել է ԱԱԾ-ն և հաշվի առնելով անմեղության կանխավարկածը՝ ավելին ասել չի ցանկանում: Այն հարցին, թե այս ընթացքում պարգևատրե՞լ է արդյոք Գևորգ Լոռեցյանին, նախարարը դրական պատասխան է տվել, հայտնում է Shantnews.am-ը: Ճշտող հարցին, թե գոհ եղե՞լ է փոխնախարարից, Արայիկ Հարությունյանը ասել է, որ գնահատականներ տալ այս պահին չի ցանկանում: Դեկտեմբերի 5-ին արդեն ԱԱԾ-ն հաստատել է, որ ԿԳՄՍ փոխնախարարը, նրա վարորդն ու ֆուտբոլային ակումբի նախագահը ձերբակալված են: Այդ մասին Shantnews.am-ին հայտնել են ԱԱԾ լրատվական ծառայությունից: Դեկտեմբերի 4-ին Ազգային անվտանգության ծառայությունը հայտնել էր՝ ձեռք բերված նախնական տվյալների համաձայն՝ Արայիկ Հարությունյանի տեղակալը, նախարարության ենթակա հիմնարկների կարիքների համար մարզագույքի և մարզահագուստի ձեռքբերման նպատակով հայտարարված մրցույթներում աջակցություն է ցուցաբերել մի տնտեսվարողի, որը Հայաստանում գործող ֆուտբոլային ակումբներից մեկի նախագահն է և միաժամանակ նաև մի շարք մատակարարող ընկերությունների փաստացի ղեկավարը: Մրցույթներում հաղթելու դիմաց փոխնախարարն իր վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |