Ռևազյան. ԵՄ-ն խնդիրներ է գտել, որոնք պետք է մենք հայտնաբերեինք 16 դեկտեմբերի 2019 - 18:06 AMT PanARMENIAN.Net - Հայաստանում գրանցված «Տարոն ավիա», «Ատլանտիս Եվրոպական ուղղություններ» և «Ավիակոմպանիա Արմենիա» ավիաընկերությունները ցանկացել են չվերթներ իրականացնել դեպի Եվրոպա, սակայն ԵՄ-ի կողմից անցկացված ստուգումների ժամանակ նրանց մոտ խնդիրներ են նկատվել: Այս մասին այսօր լրագրողների հետ զրույցում ասաց Քաղաքացիական ավիացիայի կոմիտեի նախագահ Տաթևիկ Ռևազյանը, հաղորդում է Armtimes.com-ը: Ռևազյանը նշել է, որ հայտնաբերված խնդիրների պատճառով Եվրոպական հանձնաժողովն ուժեղացված վերահսկողություն է սահմանել Հայաստանի քաղաքացիական ավիացիայի կոմիտեի նկատմամբ: «Փաստ է այն, որ խնդիրներ են հայտնաբերվել ԵՄ-ի կողմից, որոնք պետք է մենք հայտնաբերեինք»,- ասել է Ռևազյանը՝ հավելելով, որ այս խնդիրները 10 տարվա են և անձնավորված չեն: Քաղավիացիայի կոմիտեի ղեկավարը նշել է, որ «Ավիակոմպանիա Արմենիա»-ն անցել է ստուգումն ու նրա՝ դեպի Եվրոպա չվերթներ իրականացնելու դիմումն ընդունվել է, «Ատլանտիս Եվրոպական ուղղություններ»-ը նույնպես անցել է ստուգումը մի քանի խնդիրներով, իսկ ահա «Տարոն ավիա» ընկերությունում լուրջ խնդիրներ են հայտնաբերվել, որոնք ազդել են թռիչքային անվտանգության վրա: Ռևազյանի խոսքով՝ «Տարոն ավիան» չի կարողացել բացատրություն տալ՝ ինչից է խնդիրն իրականում առաջացել: Տաթևիկ Ռևազյանն ասել է, որ ավիաընկերությունը հիմա փակվել է՝ անվտանգության նկատառումներից ելնելով:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
