Արարատի մարզում գյուղմթերքի շուկա կկառուցվի. $4.5 մլն-ի ներդրում կարվի

Արարատի մարզում գյուղմթերքի շուկա կկառուցվի. $4.5 մլն-ի ներդրում կարվի

PanARMENIAN.Net - 2019-ը Արարատի մարզի համար կարևորվում է շինարարական աշխատանքների մեծածավալ քանակով: Այս մասին տարեվերջյան ամփոփիչ ասուլիսում հայտնել է Արարատի մարզպետ Գարիկ Սարգսյանը, հաղորդում է Aysor.am-ը:

«2019 թվականի առաջնահերթ լուծում պահանջող 22 ծրագիր է եղել, որը կազմել է 413 միլիոն դրամ», - ասել է Սարգսյանը:

Գարիկ Սարգսյանի խոսքով՝ 2020 թվականին մարզում կիրականացվեն մի շարք ծրագրեր՝ ուղղված բիզնեսի, առողջապահության, կրթության ոլորտներին:

Մարզպետը նշել է, որ գործարարի կողմից Երևան-Մխչյան ավտոճանապարհի վրա նախատեսվում է կառուցել 11 հեկտար մակերեսով գյուղմթերքի մանրամեծածախ շուկա, որի կառուցման համար կներդրվի $4.5 մլն:

Մարզպետը նշել է, որ մարզին ուղղվել է ոռոգման ու խմելու ջրագծերի համար առաջնահերթ լուծում պահանջող ծրագրեր, կառավարության ֆինանսավորմամբ բարեկարգվել է Սիս գյուղի ճանապարհը՝ 2,3 կիլոմետր, 4 մանկարպարտեզ է բացվել:

Սարգսյանը նշել է, որ գյուղատնտեսության ոլորտում ևս լավ արդյունքներ են գրանցել, մասնավորապես, խաղողի մթերման ծավալները գրեթե կրկանկի ավելացել են:

«Ինտենսիվ այգիների մասով նույնպես ունենք ավելացում, դրանց չափը հասել է մոտ 78 հեկտարի», - ասել է նա:

Սարգսյանը նշել է, որ մարզում ստեղծվում են բոլոր պայմանները, որպեսզի գործարարները ներդրումներ անեն:

 Ուշագրավ
«Մեր խորին ցավակցությունն ենք հայտնում զոհվածների ընտանիքներին»,-գրել է նա
Ծառայությունների գնման բաց մրցույթ է հայտարարվել
Եթե նախկինում տնտեսվարողին ժամանակ էր տրվում՝ թերությունները վերացնելու համար, ապա հիմա տնտեսվարողն այդ հնարավորությունը պարզապես չունի
Ազատյանը շեշտել է, որ ծնողները կասկածներ ունեն` Արգիշտի Քյարամյանը հրաման է ստացել գործընթացը դադարեցնել
---