ՏՄՊՊՀ նախագահ. Շաքարավազն ու կարագն էժանացել են, բայց հունվարից շաքարը կթանկանա27 դեկտեմբերի 2019 - 18:36 AMT PanARMENIAN.Net - Կարագի և շաքարավազի շուկայում գները նվազել են, սակայն 2020-ի հունվարից շաքարավազը կթանկանա: Այս մասին լրագրողների հետ հանդիպման ժամանակ նշել է, Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը՝ հավելելով, որ «Ալեքս հոլդինգ»-ը շարունակում է այս շուկայում գերիշխող դիրք ունենալ, սակայն ընկերության մասնաբաժինը նվազել է 1%-ով, հաղոդրում է Panorama.am-ը: Գեղամ Գևորգյանը հայտնել է նաև, որ ներմուծված կարագի գները նվազել են 200-250 դրամի չափով: Մասնավորապես, 2018 թ-ին հոկտեմբերին կարագի գինը կազմել է 4600 դրամի սահմաններում, 2019 -ի նույն ժամանակահատվածում եղել է 4300 դրամի սահմաններում։ Անդրադառնալով կարագի շուկայում տիրող իրավիճակին՝ ՏՄՊՊՀ նախագահը նշել է, որ ուսումնասիրությունների արդյունքում հստակ կարող են ասել՝ չեն գտել որևէ դեպք, երբ կարագի փոխարեն վաճառվում է այլ բան։ «Այսինքն՝ բուսական յուղ չի հայտնաբերվել, անբարեխիղճ մրցակցության դրսևորում չի եղել, լաբորատոր անալիզների պատասխանները կհրապարակենք»,- նշել է նա: Անդրադառնալով շաքարավազի շուկային՝ Գեղամ Գևորգյանն ասել է, որ այստեղ խնդիրներն ավելի շատ են։ Նրա խոսքով՝ Հայաստանում արտադրվող շաքարի ինքնարժեքն ավելի բարձր է, քան ներմուծվածինը, քանի որ Ռուսաստանն այսօր բավականին էժան գնով շաքար է իրացնում, ինչը լուրջ խնդիր է տեղական արտադրողի համար։ Նա նշել է, որ վերջին ուսումնասիրությունները ցույց են տալիս, որ շաքարի գինը 391 դրամից նվազել է 223 դրամ, հիմա կարելի է գնել շաքարավազ նաև 209 դրամով, ինչն, ըստ նրա, այդքան էլ ուրախալի փաստ չէ։ «Սեզոնային բնույթով իջեցումները բերում են խնդիրների։ Հունվարին՝ Նոր տարուց հետո, կարծում ենք, որ շաքարը կթանկանա, քանի որ այս իջեցումը բնական չի համարվում, ՌԴ-ից մեծ պաշարներ ուղղակի էժան գնով բերել են Հայաստան: Ես հասկանում եմ, որ սպառողների համար գների իջեցումը լավ է, բայց տնտեսության համար այդքան էլ լավ չէ»,- ասել է Գեղամ Գևորգյանը։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է |