Եվրախորհրդարանը դիտորդներ չի ուղարկի Ադրբեջանի խորհրդարանական ընտրություններին 9 հունվարի 2020 - 15:17 AMT PanARMENIAN.Net - Եվրախորհրդարանը դիտորդական առաքելություն չի գործուղի Ադրբեջանում փետրվարի 9-ին կայանալիք արտահերթ խորհրդարանական ընտրություններին հետևելու համար, հայտնում է Turan-ը՝ կառույցի հաղորդագրությանը հղումով: Դիտորդական առաքելությունից հրաժարվելու հստակ պատճառը չի նշվում: «Եվրախորհրդարանի անդամներից կամ կառույցներից ոչ մեկը լիազորված չէ հետևելու ընտրական գործընթացին կառույցի անունից: Հետևաբար, եթե Եվրախորհրդարանի որևէ անդամ որոշի դիտարկել այդ ընտրությունները, ապա դա կանի անձամբ իր անունից և ոչ մի դեպքում չի ներկայացնի Եվրախորհրդարանի տեսակետը կամ դիրքորոշումը»,-ասվում է հայտարարության մեջ: Նախկինում մի շարք ընտրությունների ժամանակ Եվրախորհրդարանի մի շարք ներկայացուցիչներ դիտորդական առաքելություն են իրականացրել Ադրբեջանում: Ըստ ադրբեջանական գործակալության՝ նրանց եզրակացություններն արժանանում էին ժողովրդավարական ուժերի քննադատության, որոնք մեղադրում էին եվրոպացի խորհրդարանականներին բազմաթիվ խախտումներ գիտակցաբար չնկատելու, ինչպես նաև կեղծքիներն արդարացնելու մեջ: Նոյեմբերի 28-ին իշխող «Ենի Ադրբեջան» կուսակցության Քաղխորհրդի արտահերթ նիստում որոշվել է արձակել Միլի մեջլիսը՝ խորհրդարանը: Իշխող կուսակցության խմբակցությունն այնտեղ մեծամասնություն ունի: Որոշումը բացատրվել է նրանով, որ Միլի մեջլիսի կազմը չի համապատասխանում պետության ղեկավարի վարած քաղաքականությանը, և փաստացի չի մասնակցում երկրում իրականացվող բարեփոխումներին: Ադրբեջանի մեջլիսում 125 պատգամավոր կա, որոնք ընտրվում են 5 տարով: Գործող խորհրդարանն ընտրվել է 2015-ի նոյեմբերի 1-ին: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |