Եվրահանձնաժողովը կառաջարկի ասոցիացիայի մասին համաձայնագիր ստորագրել վեց երկրների, այդ թվում Հայաստանի հետ25 նոյեմբերի 2008 - 19:21 AMT PanARMENIAN.Net - Եվրահանձնաժողովը մտադիր է առաջարկել վեց հետխորհրդային երկրների` Հայաստանի, Վրաստանի, Ադրբեջանի, Բելառուսի, Մոլդովայի եւ Ուկրաինայի հետ առաջիկա տարիներին ասոցիացիա ստեղծելու վերաբերյալ համաձայնագիր ստորագրել եւ ճանաչել «այդ երկրների եվրոպական ինքնությունն ու նրանց ձգտումները»: Այս մասին ասվում է Արեւելյան գործընկերության մասին Եվրահանձնաժողովի կոմյունիկեի նախագծում: Կոմյունիկեի նախագծում նշվում է, որ նոր համաձայնագրերը ասոցիացիայի մասին, որոնք նման կլինեն ԵՄ-ի ընդլայնումից առաջ 2004թ. Լեհաստանի ու Լիտվայի հետ ստորագրած փաստաթղթերին, միեւնույն ժամանակ չեն պարունակի ապագայում Եվրամիությանը միանալու խոստումներ: Փաստաթղթում ասվում է նաեւ, որ Արեւելյան գործընկերությունը միջոցներ կպարունակի, որ ուղղված կլինեն ԵՄ-ի հետ հստակ եւ տեւական համերաշխության հաստատմանը եւ զգալի ու քաղաքացիների կողմից ընդունելի առավելություններ կառաջարկի գործընկեր երկրներին: Այդ միջոցները պետք է ներառեն նաեւ ազատ առեւտրի միասնական եւ համակողմանի գոտու ստեղծում, որը պետք է հիմք հանդիսանա ընդհանուր ներքին շուկայի զարգացման համար` Եվրոպական տնտեսական գոտու նմանությամբ: Արեւելյան գործընկերությունը նաեւ նախատեսում է ազատ մուտքի ռեժիմ այդ երկրների հետ երկարաժամկետ հեռանկարում` արտոնագրերի դիմումների մշակման ընդհանուր կենտրոնների ստեղծման միջոցով, աստիճանաբար կրճատելով մուտքի արտոնագրերի տրամադրման ժամկետները: Կոմյունիկեում նշվում է նաեւ, որ Հայաստանը պետք է փակեր իր Մեծամորի ԱԷԿ-ը, ինչպես նաեւ նշվում է, որ ԵՄ-ն մտահոգ է հակամարտության գոտիներում էներգետիկ ենթակառուցվածքների համար, օրինակ, ինչպիսին է ռուս-բալկանյան գազամուղը, որ անցնում է Մերձդնսետրի տարածքով: Նախագծով նախատեսվում է, որ 2009թ. հունիսին պետք է տեղի ունենա Արեւելյան գործընկերության գագաթնաժողովը, սկսելու համար ԵՄ-ի նոր քաղաքականությունը: ԵՄ-ի եւ Արեւելյան գործընկերության երկրների արտգործնախարարների նիստերը կանցնեն ամեն գարուն, իսկ «բարձրաստիճան պաշտոնյաների» նիստերը նախարարական հանդիպումները կազմակերպելու նպատակով տեղի կունենան տարին երկու անգամ: Արեւելյան գործընկերությունը նաեւ նախատեսում է ԵՄ երկրների ծախսերի ավելացում, որով օգնություն կհատկացվի արեւելյան գործընկերներին տարին երկու անգամ մինչեւ 2013թ. եւ 3,3 անգամ` մինչեւ 2020թ.: Ծախսերի աճը կկազմի 2,1 մլրդ եվրո, առանց հաշվի առնելու 75 մլն եվրոյի կորուստը, որ տեղի կունենա մուտքի արտոնագրերը չեղյալ հայտարարելու արդյունքում, հաղորդում է EUobserver-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՀՀ և Ադրբեջանի սահմանազատման հանձնաժողովներն արձանագրություն են ստորագրել Կոորդինատները հստակեցվել են ԽՍՀՄ ԶՈւ ԳՇ 1976թ. տեղագրական քարտեզի համաձայն Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին |