«Հայ դաշնամուրային երաժշտություն». 3-րդ համերգը՝ 3 դաշնակահարի կատարումներով

«Հայ դաշնամուրային երաժշտություն». 3-րդ համերգը՝ 3 դաշնակահարի կատարումներով

PanARMENIAN.Net - «Հայ դաշնամուրային երաժշտություն» համերգային նախագծի երրորդ համերգը կկայանա հունվարի 30-ին` Արամ Խաչատրյանի անվան համերգասրահում:

Համերգի ընթացքում կնվագեն դաշնակահարներ Արմեն Բաբախանյանը (Հայաստան), Եվա Գևորգյանը (Ռուսաստան, Հայաստան), Փում Փըրոմըչարթը (Թայլանդ, Կանադա):

Կհնչեն Արամ Խաչատրյանի, Առնո Բաբաջանյանի, Ալեքսանդր Հարությունյանի, Հարո Ստեփանյանի, Կոմիտասի, Սայաթ-Նովայի, Շերամի, Ջիվանիի ստեղծագործությունները:

Համերգը նախաձեռնել է «ԹԻ ԷՄ Փրոդաքշն» ընկերությունը: Այն իրականացվում է ՀՀ կրթության, գիտության, մշակույթի և սպորտի նախարարության աջակցությամբ:

«Հայ դաշնամուրային երաժշտություն» նախագիծը մեկնարկել է 2014-ին՝ Տիգրան Համասյանի, Վահագն Հայրապետյանի ու Արմեն Բաբախանյանի համատեղ համերգով։

Երկրորդ համերգը 2016-ին էր՝ Վահագն Հայրապետյանի, Արմեն Բաբախանյանի ու ջազմեն Վարդան Օվսեփյանի մասնակցությամբ:

 Ուշագրավ
Տիգրան Ավինյանն ու Գրեգորի Դուսեն այցելել են պատմական թաղամաս
Snap-ը պլատինե երգի կարգավիճակ է ստացել նաև մի քանի այլ երկրներում
Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․
Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով
---