Apple-ը որոշել է պատենտավորել ապակյա iMac-ը

Apple-ը որոշել է պատենտավորել ապակյա iMac-ը

PanARMENIAN.Net - Apple-ը որոշել է պատենտավորել ապակյա կորպուսով iMac-ը, գրում են The Verge-ն ու Patently-ն։

Ընկերությունը հայտ էր ներկայացրել ԱՄՆ պատենտների բյուրո 2019-ի մայիսին, բայց ԶԼՄ-ները միայն այժմ են դրան ուշադրություն դարձրել։ Ինչպես նշում է պարբերականը՝ խոսքը մոնոբլոկ համակարգչի մասին է, որը հնարավոր կլինի ծալել։ Ծալքի տեղը կլինի դիսփլեյի և ստեղնաշարի միջև, գրում է «Վեդոմոստին»։

Apple-ի հայտում ասվում է, որ սեղանի մոնոբլոկը բաղկացած կլինի ապակյա կորպուսի մեջ տեղադրված դիսփլեյից, ստեղնաշարից և թաչփադից։ Ընկերությունը նաև դիտարկում է առանց ներկառուցված ստեղնաշարի մոնոբլոկի ստեղծման հնարավորությունը։

Ըստ The Verge-ի՝ Apple-ը մտադիր է առաջին անգամ ապակի օգտագործել կորպուսի համար։ Պարբերականը նորարարական է համարում տվյալների ներմուծման և ստացման բոլոր միջոցները մոնոբլոկում տեղադրելու վերաբերյալ Apple-ի գաղափարը։

2019-ի նոյեմբերին Apple-ը ներկայացրել է թարմացված MacBook Pro-ն։ Սարքն ունի Retina դիսփլեյ և Magic Keyboard ստեղնաշար։ Մինչև այդ մոդելի թողարկումը MacBook-ի առավելագույն տրամագիծը 15 դյույմ էր։ MacBook-ը նաև ստացել է 6 և 8-միջուկանի 9-րդ սերնդի Intel պրոցեսորներ։

 Ուշագրավ
Այդ մասին նա գրել է ֆեյսբուքյան իր էջում
Այդ մասին ասել է հարթակի հիմնադիր Պավել Դուրովը
Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից
Ըստ Քերոբյանի, առնվազն 20 մլրդ դրամ հարկ կհավաքվի
---