Փաշինյանը՝ Միշուստինին. Հուսով եմ՝ կպաշտպանեք տնտեսական դինամիկան, որը կա ՀՀ-ում31 հունվարի 2020 - 17:49 AMT PanARMENIAN.Net - Վարչապետ Նիկոլ Փաշինյանը ՌԴ կառավարության նորանշանակ ղեկավար Միխայիլ Միշուստինի հետ առաջին հանդիպմանը հույս է հայտնել, որ վերջինիս գլխավորած գործադիրը կպաշտպանի Հայաստանում տնտեսական դինամիկան: Փաշինյանն ու Միշուստինն առաջին անգամ հանդիպել են Ալմաթիում՝ Եվրասիական միջկառավարական խորհրդի նիստի շրջանակում: «Հայաստանում մեզ հաջողվել է 2019-ին կառուցել տնտեսական բավական լավ դինամիկա, այսօր արդեն հրապարակվել են թվերը. մենք 2019-ին ունենալու ենք 8 տոկոսին մոտ տնտեսական աճ՝ նաև Ռուսաստանի հետ մեր գործակցության և Եվրասիական տնտեսական միության շրջանակում գործակցության շնորհիվ»,- ասել է Փաշինյանը: Նա հավելել է, որ առևտրաշրջանառությունը երկու երկրի միջև 2019-ին մոտենում է $2 մլրդ-ի, որը բավականին լավ ցուցանիշ է, իսկ 2020-ին այդ դինամիկան կպահպանվի: Միխայիլ Միշուստինն իր հերթին ջերմությամբ է հիշել իր վերջին այցը Հայաստան՝ մասնակցելու Տեղեկատվական տեխնոլոգիաների համաշխարհային ֆորումին, որը «փայլուն էր կազմակերպված»: «ՌԴ նոր կառավարությունը տրամադրված է հայ-ռուսական կառուցողական հարաբերությունների, հայ գործընկերների հետ շփումների շարունակմանը, այդ թվում՝ միջկառավարական հանձնաժողովի շրջանակում, որը համանախագահում է ՌԴ տրանսպորտի նախարար Եվգենի Դիտրիխը: Պետք է ամրապնդել դրական միտումը, գտնել գործընկերության նոր ոլորտներ»,- ասել է Միշուստինը: Ռուսաստանը Հայաստանի գլխավոր արտաքին տնտեսական գործընկերն է՝ 26 տոկոս չափաբաժնով: ՀՀ-ում գործում է 2200 ռուսական ընկերություն: 2018-ին երկկողմ ապրանքաշրջանառությունն աճել է 11 տոկոսով՝ հասնելով $2 մլրդ-ի: Աճը շարունակվել է նաև 2019-ին՝ հունվար-նոյեմբերին ավելանալով 17.6 տոկոսով: Միխայիլ Միշուստինն ընդգծել է, որ ռուսական կողմը շահագրգռված է առաջիկայում քննարկել ՏՏ ոլորտում կոնկրետ ծրագրերի իրականացման հեռանկարները: Վարչապետ Փաշինյանը կարևորել է այդ ոլորտում ևս երկկողմ գործակցությունը զարգացումը: Հանդիպման ընթացքում զրուցակիցները քննարկել են հայ-ռուսական տնտեսական հարաբերություններին առնչվող հարցերի լայն շրջանակ: Մասնավորապես, Նիկոլ Փաշինյանը և Միխայիլ Միշուստինն անդրադարձել են առևտրատնտեսական կապերի ընդլայնմանը, ենթակառուցվածքների, էներգետիկայի, արդյունաբերության, տեղեկատվական տեխնոլոգիաների, միկրոէլեկտրոնիկայի ոլորտներում համատեղ ներդրումային ծրագրերի իրականացման հնարավորություններին վերաբերող հարցերի: Կողմերը կարևորել են նաև հայ-ռուսական միջակառավարական հանձնաժողովի գործունեությունը` գործակցությանը նոր թափ հաղորդելու առումով: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Միրզոյանը՝ Ալմաթիում․ Կարող ենք ավելի հեռուն գնալ՝ ապաշրջափակելով տարածաշրջանի բոլոր կոմունիկացիաները Նա նշել է, որ սահմանազատման գործընթացը պետք է անցնի Ալմաթիի հռչակագրի հիման վրա Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա «ՍոֆթԿոնստրակտ»-ը մասնակցել է Career City Fest 2K24 լավագույն գործատուների փառատոնին Ձեռք են բերվել և՛ աշխատանքային, և՛ կորպորատիվ փոխգործակցության պայմանավորվածություններ Անհնազանդության ակցիաների 12 մասնակից է բերման ենթարկվել 8 մարդ ձերբակալվել է Երևանում, 4–ը՝ Վայոց ձորում |