Ծնողական խնամքից զուրկ և հոգեկան խնդիրներով երեխաները կարող են նպաստ ստանալ11 փետրվարի 2020 - 19:02 AMT PanARMENIAN.Net - Ազգային ժողովում առաջին ընթերցմամբ քննարկվել է 3-րդ աստիճանի հաշմանդամություն ունեցող և հոգեկան խանգարումներով մինչև 14 տարեկանների խնամատարներին նպաստ տրամադրելու նախագիծը։ «Պետական նպաստների մասին» օրենքում համապատասխան լրացումների նախագիծն ԱԺ-ում ներկայացրել է «Իմ քայլը» խմբակցության պատգամավոր Նարեկ Զեյնալյանը: «Առաջարկվում է օրենքում ավելացնել «խնամակալության նպաստ» հասկացությունը: Եվ այն մարդկանց, որոնց խնամակալության տակ կան անձինք, ովքեր կարիք ունեն շուրջօրյա խնամքի, նրանց նկատմամբ սահմանել նպաստ»,- ասել է Զեյնալյանը: Նրա խոսքով` այժմ օրինագիծը վերաբերում է միայն ծնողական խնամքից զրկված և հոգեկան խնդիրներ ունեցող երեխաներին ու նրանց խնամակալներին, որոնց թիվը Հայաստանում ներկա պահին 433 է : ՀՀ աշխատանքի և սոցիալական հարցերի փոխնախարար Ժաննա Անդրեասյանի խոսքով՝ կառավարությունը նախագծի վերջնական տարբերակին դեմ չէ, չնայած այն որոշակի ծանրաբեռնվածության ավելացում է ենթադրում պետբյուջեի վրա: Խնամակալության նպաստի իրավունքի օրենքի ընդունմամբ նպաստ կստանան 3-րդ աստիճանի սահմանափակում ունեցող հաշմանդամ ճանաչված մինչև 14 տարեկան, ինչպես նաև հոգեկան խանգարման հետևանքով դատարանով անգործունակ ճանաչված մինչև 14 տարեկան երեխաների ծնողները։ 2019-ի դեկտեմբերին կառավարության նիստում նախագծի քննարկման ժամանակ առաջարկվել էր հստակեցնել շահառուների շրջանակը, հաշվարկներ անել, որոնք թույլ կտան հասկանալու պետբյուջեից տրամադրվելիք միջոցների չափը և նախագծում հստակ նշել նպաստի իրավունք ստացողներին առաջադրվող պահանջները։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |