Քրեական ենթամշակույթի դեմ պայքարում խիստ մասնագիտացում կապահովվի19 փետրվարի 2020 - 14:29 AMT PanARMENIAN.Net - ՀՀ գլխավոր դատախազ Արթուր Դավթյանի նախաձեռնությամբ որոշվել է քրեական ենթամշակույթի դեմ պայքարում ապահովել խիստ մասնագիտացում, առանձնացնել այս գործերով զբաղվող կոնկրետ դատախազների և քննիչների՝ պատշաճ արդյունավետությունն ապահովելու համար: Այդ մասին ասվել է քրեական ենթամշակույթին առնչվող արարքները քրեականացնող օրենքի կիրարկման հիմնահարցերի վերաբերյալ Դավթյանի մոտ խորհրդակցության ժամանակ: Հաշվի առնելով այս արարքների նոր քրեականացման պայմաններում համապատասխան քրեադատավարական պրակտիկայի բացակայությունը՝ հնարավորինս մանրամասն անդրադարձ է արվել նման դեպքերով անհրաժեշտ միջոցառումների շրջանակին: Ուշադրություն է դարձվել քրեական ենթամշակույթի դեմ պայքարում այդ ենթամշակույթի կրող խմբավորումների հնարավոր հակազդեցության փորձերի կանխարգելման, չեզոքացման կառուցակարգերին: Դավթյանը շեշտել է, որ բոլոր հնարավոր մեխանիզմներն ու իրավաչափ ռեսուրսներն օգտագործվելու են հասարակական հարաբերություններում, մասնավորապես՝ քրեակատարողական հիմնարկներում, զինված ուժերում քրեական ենթամշակույթն իր բոլոր դրսևորումներով արմատախիլ անելու համար: Խնդիր է դրվել հանրային միջավայրերում, հատկապես՝ երիտասարդության ու դեռահասների շրջանում քրեաիրավական նոր կարգավորումների պարզաբանման նպատակով հանրային իրազեկման միջոցառումներ անել: Գլխավոր դատախազը հատուկ ուշադրություն է հրավիրել քրեական հեղինակություն հասկացության, ինչպես նաև քրեական ենթամշակույթ կրող խմբավորման կողմից հետապնդվող նպատակների իրականացման ապացուցողական բազայի, միասնական չափանիշների ապահովման խնդրի վրա: Կարևորվել է նաև իրավապահ մարմինների ներկայացուցիչների կողմից հանցավոր նման խմբավորումների հետ հնարավոր կապերի, գործակցության դրսևորումներն արմատախիլ անելու անհրաժեշտությունը: Խորհրդակցությանը մասնակցել են ՀՀ արդարադատության նախարար Ռուստամ Բադասյանը, Ազգային անվտանգության ծառայության տնօրենի ԺՊ Էդուարդ Մարտիրոսյանը, ոստիկանապետի ԺՊ Արման Սարգսյանը, Քննչական կոմիտեի նախագահ Հայկ Գրիգորյանը, ԱՆ քրեակատարողական ծառայության պետ Արթուր Գոյունյանը, ՀՀ դատախազության և իրավապահ մյուս մարմինների այլ ներկայացուցիչներ: Ազգային ժողովն ավելի վաղ ընդունել էր քրեական ենթամշակույթ կրողներին առնչվող օրինագիծը: Դրանով քրեական պատասխանատվություն է նախատեսվում քրեական աստիճանակարգության բարձրագույն կարգավիճակ տալու, ստանալու կամ պահպանելու համար, քրեական ենթամշակույթ կրող խմբավորում ստեղծելու կամ ղեկավարելու համար, դրանք մասնակցելու կամ ներգարվվելու, կամ էլ նման մշակույթ կրող անձանց դիմելու համար: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |