Հայաստանի եւ Թուրքիայի նախագահներին «Սպորտ եւ խաղաղություն» Միջազգային կազմակերպության մրցանակ է շնորհվել 5 դեկտեմբերի 2008 - 16:32 AMT PanARMENIAN.Net - Հայաստանի եւ Թուրքիայի ղեկավարներին Մոնակոյում գործող «Սպորտ եւ խաղաղություն» Միջազգային կազմակերպությամբ հատկացված «Peace and Sport Image of the Year Award» ամենամյա մրցանակ է շնորհվել: Կազմակերպության հայտարարության մեջ, մասնավորապես, ասվում է. «Սպորտի միջնորդությամբ նորմալ հարաբերությունների հաստատման լավագույն օրինակի համար շնորհվում է այն լուսանկարին, որում պատկերված է Սերժ Սարգսյանի եւ Աբդուլլա Գյուլի պատմական ձեռքսեղմումը երկու երկրների ազգային հավաքականների միջեւ ֆուտբոլային հանդիպման ժամանակ, որը կայացել է Երեւանում: Շնորհակալություն Ֆուտբոլին, քանի որ այդ պահը վերջ դրեց գրեթե երկու տասնամյակ շարունակված դիվանագիտական լռությանը»,- ասվում է Կազմակերպության հայտարարության մեջ:Ֆուտբոլի թուրքական ֆեդերացիայի նախագահ Մահմուտ Օզգեները, Թուրքիայի նախագահի փոխարեն ստանալով մրցանակը Մոնակոյի արքայազն Ալբերտ Երկրորդից, հայտնել է, որ Աբդուլլա Գյուլի պատմական այցը Երեւան ապացուցեց, որ սպորտը ուժեղ գործիք է, որը մտերմացնում է մարդկանց եւ խաղաղություն ապահովում աշխարհում, հաղորդում է Անատոլիական տեղեկատվական գործակալությունը: Գործելով Մոնակոյի արքայազն Ալբերտ II-ի հովանավորությամբ` «Սպորտ եւ խաղաղություն» կազմակերպությունը ձգտում է աղքատ վայրերում բնակվող մարդկանց հնարավորություն ընձեռել ստանալու կրթություն եւ սպորտով զբաղվելու: Կազմակերպության խնդիրն ու կարգախոսն է` ողջ աշխարհում մարդկանց եւ հասարակություններին հաղորդել սպորտին հատուկ խաղաղության եւ արդարության արժեքները: Հայաստանի նախագահ Սերժ Սարգսյանի հրավերով Թուրքիայի նախագահ Աբդուլլա Գյուլը Երեւան էր ժամանել սեպտեմբերի 6-ին` համատեղ դիտելու երկու երկրների ազգային հավաքականների միջեւ ֆուտբոլային հանդիպումը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան. ՔՊ բարձրաստիճան անդամներ ներքին ուղերձներ են հղում, թե ինչպես կարող են միանալ մեզ «Ճիշտ ենք անում, եթե խառվում ենք քաղաքականությանը՝ դուք չեք կարողանում, դրա համար մենք ենք խառնվում»,–ասել է նա Միրզոյանը հուսով է՝ Ալմաթիի բանակցություններում գրավոր կարձանագրվեն Երևանի և Բաքվի պարտավորությունները Նրա խոսքով ՝ երկկողմ հանձնաժողովները շարունակում են քննարկել սահմանների դելիմիտացիայի մանրամասները ՀՀ-ն ու Հունգարիան տնտեսական գործակցության մասին համաձայնագիր են կնքել Միրզոյանը Բուդապեշտում է պաշտոնական այցով Ավինյան․ «Վեոլիա ջրի» հետ պայմանագիրը կվերանայվի՝ ամեն բակում չենք կարող կոյուղու հարցով զբաղվել Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին |